طرق للتذكير بالله فى رمضان (رجاء من المشرفين الدخول )

بسم الله الرحمن الرحيم

فى البدايه أحب أن أقول لجميع أعضاء المنتدى و الزوار كل عام و أنتم بصحه و سلامه و أعاد الله عليكم رمضان بالأمن و السرور

طبعا كلنا بنروح نصلى الجمعه فى المسجد و بنعد نسمع الخطبه و كتير مننا بيدخل الكلام من هنا و يطلعه من الودن التانيه ونخرج من المسجد ولا كأن فى حاجه إتقالت جوه المسجد بس إحنا داخلين على شهر كريم و كلنا طبعا عارفين فضل الشهر ده علينا
إنهرضه و الحمد لله كان إمام المسجد بتاعنا كان بيتكلم عن شهر رمضان و أظن إن كل المساجد كده بردو و طبعا الإمام ذى كل سنه وجه نداء للآباء بتقليص حجم مشاهده التليفزيون أو قصر إستخدامه على مشاهده القنوات الدينيه لاكن فى كتير من الشباب و الحمد لله بطلوا يتفرجوا على التليفزيون و الدش و بقى عندهم مخرج تانى و هو الكومبيوتر و الإنترنت و فى الحقيقه إن لم نستخدم الكمبيوتر و الإنترنت بإعتدال أظن إنه يبقى أكثر خطورة أكبر ضرر فى الخروج عن ذكر الله و اللهو عن طاعته و نسيان الصلاة و قراءة القرآن الكريم و عشان كده أنا فكرت فى شويه حاجات ممكن نعملها عندنا فى الأجهزة عشان و إحنا أعدين على الكمبيوتر مننساش ربنا ولا نسرح يعنى يبقى فيه ديما حاجه بتنبهنا لذكر الله أنا هعرض الأفكار بتاعتى و أتمنى من جميع الأعضاء إلى عنده فكرة يضيفها للموضوع
أولا هنبدأ بالمنتدى
هطلب من مستر عيد إنه على قد ما يقدر يحاول إن يكون فى فى واجهه المنتدى كلمه رمضان كريم و بعد الأذكار فى جميع صفحات المنتدى
هطلب من محمود حسنى التول بار بتاع المنتدى يا ريت لوجو أسم المنتدى يتغير خلال الشهر لكلمه أذكر الله أو ممكن تكون جنب إسم المنتدى
ثانيا هندخل بقى على الأجهزة بتاعتنا أول حاجه عايزين نعملها كلنا نغير خلفيه سطح المكتب و نحط خلفيه جديده تبقى مثلا مكتوب فيها رمضان كريم ولا إله إلا الله و أذكر الله و الحاجات إلى تفكرنا بذكر الله أثناء الجلوس على الكمبيوتر
طبعا فى ناس مننا بيفتحلها إعلانات مش كويسه ساعات و هى أعده كده و من غير داعى يا ريت كلنا نسطب شريط جوجل و برنامج حجب المواقع الإباحيه (موجود فى قسم برامج الكمبيوتر ) و إن شاء الله هحط شريط جوجل للى مش عنده
عايزين كلنا نغير كلمه إبدا الموجوده فى شريط المهام بكمله بسم الله الرحمن الرحيم
http://files.w-enter.com/uploadcenter/457/start%20button%20renamer.zip
هدوس على الرابط ده و تحمل البرنامج و البرنامج سهل جدا هتفتحه و هتكتب الكلمه إلى إنت عايزها و دوس رينيم و عيش
هنيجى بقى لنغمه الفتح و القفل بتاعت الأجهزه بتاعتنا معظمنا عنده النغمه بتاعيت شركه ماى كروسوفت عايزين نغيرها مثلا فى الفتح نحط بسم الله الرحمن الرحيم و فى الغلق نحط مثلا صورة صغيرة براحتنا يعنى على حسب كل واحد و هواه ملحوظه محدش يحط أغانى عشان الويندوز ميقعش الشرح بإذن الله هحطه قريب و قبل رمضان و ممكن يكون برنامج كمان مش شرحعلى حسب بس أا عارف الشرح بس لازم يتجهز الاول و هيكون بختم منتدى تاج التفوق
و إحنا بقى أعدين عايزين حاجه تزن علينا نذكر ربنا فى برنامج إسمه بيتهيألى أذكارى طول ما إنت أعد يطلعلك أذكار فوق الساعه كده و بيكتبلك كل مرة حاجه جديده هينفعنا بردو لو حطناه
http://www.islamware.com/download/Azkary.exe
طبعا و إحنا أعدين على الجهاز بنبقى حطين الهيد فون فى ودننا حتى لو مش مشغلين حاجه بس أهو بنحطها نحط بقى برنامج الأذا عشان محدش يقول مسمعتش الأذان و كله ساعه الأذان بنزل زى الأمور يصلى فى المسجد للصبيان بس
http://www.ubhosting.net/athan/AthanBasic.exe
المنتدى هنقفله وقت صلاه التراويح عشان كله ينزل يصليها و محدش يقول أصلى هحط موضوع و انزل لا لما تطلع إبقى حطه و الليل طويل و السحور بيتأخر
يا ريت الاقى تفاعل من الأعضاء و تقولولى إنكوا نفذتوا الفكرة

و أرجو من جميع الأعضاء تنفيز الموضوع ده عشان خاطر ربنا

بصوا يا جماعه البرنامج ده هيخلى الجهاز و هو بيفح ييقول البسمله و هو بيقفل هيقول الحمد لله بدل نغمه الويندوز
الرابط للتحميل أهو
http://rapidshare.com/files/267372619/__1578___1594___1610___1610___1585____1606___1594___1605___1607____1575___1604___1601___1578___1581_.html

مشاركة متميزة جدا ويارب حد يعبرك من الأعضاء

رائع يا محمد.
ان شاء الله ومنتظرين باقي المشرفين.

يا محود ان مش عايز المشرفين يدخلوا للشهره أنا عايزهم يدخلوا عشان تنفذوا إقتراحاتى بتاعيت المنتدى

منا عارف.

مش قلتلك محدش هيعبرك
يبنى احنا فى صحرااااااااااااء
لا مشرفين فيها ولا اعضاء

شكـــــــــــــــــــــــــــــــــرا يا محمد كتير ع المجهود ده

مجهود مين بقى و الناس نايمين يا إيمان ده مفيش غير محمد صلاح و محمود حسنى و إنتى يعنى أصحابى أنا حاسس إنها بقت مجامله
على العموم شكرا لمروريك يا إيمان و يا رب نشوفليك مواضيع هنا

الصحراء طلع فيها حد

و بعدين و الحمد لله أنا طلبت من المشرفين الدخول ولا حد عبرنى و انا كنت عايز الفكره تتنفذ بس يلا مش مشكله نبقى نعمل منتدى و نفذها فيه

ملكش دعوه بالصحرا بتاعتى

ممكن نعمل منتدى ونسمية صحراوى نت

لا يا محمد مش مجامله
وانا هزود في التولبار حاجات تانيه كتيير.

افكارك جميلة يا sergen
والله بجد مش مجاملة وانا عن نفسي هنفذ إن شاء الله اللي يخص جهازي
لكن المنتدى انا مش في ايدي حاجة اعملها

الله يسعدك كما أسعتنى يا sergen لأننى فرحت اننى كسبت مشرفا جديدا
إيه رأيك فى ان تكون مشرفا على قسم الكمبيوتر والنت
وعلى قسم الموبايل بشكل حر
لا يشاركك فيه إلا المدير العام فقط؟

مما لا شك فيه أنى أتشرف بأن أكون أحد مشرفى المنتدى الرائع منتدى تاج التفوق و شكرا لحضرتك على ثقتك الغاليه و بالطبع أخيارى كمشرف طلب لا يمكن رفضه خوصوا أنه سيكون بمنتدى تاج التفوق و كل عام و حضرتك بخير و جميع أعضاء المنتدى بالصحه و السلامه

مبارك عليك يا مشرفنا الجديد sergen
انت فعلا تستحقها
يلا شد حيلك ربنا يعينك على مسؤلياتك

ربنا يخليكى يا رورو
الله يبارك فيكى
و شكرا جدا لمروريك
و ننتظر المزيد من موضوعاتيك المتميزه فأنت دائما كذلك

طرق للتذكير بالله فى رمضان (رجاء من المشرفين الدخول ) 4564645

بنحيى اخونا سيرجين وبنهنيه على المنصب الجديد
طرق للتذكير بالله فى رمضان (رجاء من المشرفين الدخول ) Ghghaaaa

طرق للتذكير بالله فى رمضان (رجاء من المشرفين الدخول ) 445345345

طرق للتذكير بالله فى رمضان (رجاء من المشرفين الدخول ) Hgjghjghj

خد بالك الاشراف مسؤلية مش منصب وبس

احب اشكر اخويا محمد صلاح على الفرح إلى عامله فوق ده
و أحب أشكر أختى إيمان على الراقصه الإفريقيه إلى حطتطهالى دى حلوه على فكره حلوه

» طرق للتذكير بالله فى رمضان
» رجاء من المشرفين
» إحتراق ديسكو ليلي في راس السنه(القلب الضعيف رجاء عدم الدخول)
» رنامج ***إلا صلاتي*** للتذكير بمواقيت الصلاة بطريقة رائعة
» اجتماع للسادة المشرفين