الزواج الاجباري..دعوة للنقاش

ما اتوقعش ان هما هيعيشوا حياه سويه لان الزواج زي ما انت قلت بقوم علي عده اسس منها القبول والتوافق وده مش متوفر اذن صعب ان هما يكملوا مع بعض اصلا.
ومتشكرين يا محمد علي المواضيع اللي انت بتعرضها لان انت بتلمس اللي احنا عايشينه فعلا وده المطلوب.والمتوقع من شخص في خبرتك وذكائك وحكمتك.

اين باقى الاعضاء

بيجيبوا حاجه وجايين

الزواج الإجباري مرفوض
من الأب والأم للبنت أو الولد.
ومن البنت أو الولد للأب والأم.
يارب وجهة نظري تصل.

وصلت يا استاااااااااااااذ.

انا قلت دعوة للنقاش يا عبد الحميد يعنى نتناقش مش نرد على بعض وبس

شكرا لردود الجميع ولكن اين ياقى الاعضاء

موضوع جميل يوجد به مجال واسع للنقاش
زمان كان فى جهل وعدم درايه وتشدد العادات والتقاليد فى كثير من البلاد وكانت حياة يسودها القسوه والشده وبعض الاوقات العادات والتقاليد دون الوعى فكان ممكن ان يقبل شئ من هذا "الاجبار فى الزواج من الولد او البنت " دون اى مشكله لان فى الاخر تربية واحده وظروف واحده وممكن كانت الحياة تمشى .
لكن الحياة اختلفت كتير بقى ينفع نقول لا ونقول اه وده صح وده غلط اللى هو "الولد او البنت " فى مجتمعنا الشرقى دلوقتى اتغيرت حاجات كتير والعادات والتقاليد اصبحت هامش فى حياتنا وليس قاعده اساسيه.
مينفعش نبقى سالبيين يجب ان نرفض ذلك القهر فلا يجب ان نعيش حياة كامله بدايتها خاطئه ستصبح نهايتها سوداء ده اذا كانت لها بداية من الاساس.

موضوع هايل يا محمد وانا من رأييى ان احنا بقى عندنا دلوقتى ثقافه وعلم ودرايه بامور كتير اكتر من زمان وان البنت دلوقتى تقدر تقول اه الشخص ده يناسبنى وده مش يناسبنى والولد برضه نفسه الكلام والانسان بطبيعته لما يحبر على شىء بيعند فيه او مش بينفذه كما هو مطلوب تخيل لو كان الاجبار فى حياه كامله تستمر الى ما شاء الله ساعتها الحياه دى هتكون اصعب ما يمكن من قبل الطرفين