تحب تبقى رئيس أمريكا ولا محافظ بورسعيد؟

موضوع قرأته، والحقيقة أنا موش مصدقه، ربما لأنني لا أزال - برغم كل الأشياء - حسن النية ... أو ..................

موضوع اعجبنى

تحب تبقى رئيس أمريكا ولا محافظ بورسعيد ؟
واضح انه اجابة السؤال واضحة وصريحة شيء مش محير على الاطلاق طبعا رئيس أمريكا ياباشا .
بورسعيد ايه موقعها على الخريطة يا معلم ؟ وبعدين طبعا الاخوة اللي بيحبوا
بورسعيد حيقولولي لا طبعاً دي حاجة كبيرة جدا . ماشي يا شباب حاجة كبيرة
طبعا على عيني وعلى راسي .
المهم أمريكا طبعا أكبر قوة اقتصادية وعسكرية في العالم يعني ولا كلمة
طيب يا شباب بعيد عن المناظر والمنظرة والكلام الفارغ نحسبها بالورقة والقلم .
لو سيادتك رئيس أمريكا حتاخد كام في السنة ؟ تخيل 650 ألف دولار في السنة . اي والله العظيم هما دول بس .
طيب سيادتك مفيش بدل سفر بدل حضور جلسات بدل تمثيل (على اعتبار ان رئيس أمريكا أكبر ممثل)
لا ياباشا مفيش حاجة من دي خالص . يعني سعادة جناب رئيس أمريكا بعد 8 سنين
حرق في أعصابه لإدارة أكبر دولة في العالم ومع جبر الكسور لصالحه يعني
نحسبله السنة بمليون دولار يكون إجمالي دخله 8 مليون دولار تقريبا .
عموما مش وحش برده لأن أكيد لما حابقى رئيس أمريكا حيدوني الجنسية ومش حاضطر إني أركب مركب واغرق بيها في ايطاليا مثلا .
طيب سيادة محافظ بورسعيد بياخد كام ؟؟؟
مش حنتكلم على الموضوع ده كتير لأن حكاية بياخد كام دي متفرعة جداً
احنا حنتلكك للباشا على أحد تصريحاته اللي قالها وهو مش واخد باله يا عيني
فسيادته صرح لجريدة الأهرام في نهاية العام الماضي ان بورسعيد عملت دخل
لمصر يقدر ب 4 مليار جنيه وهو حصيلة بيع أراضي في مناطق مختلفة تابعة
لبورسعيد.
جميل ربنا يخلي بورسعيد لمصر دايما . لكن اللي يهمنا ان
سيادة المحافظ له نسبة قانونية في هذه المبالغ 3% طبعا نسبة بسيطة تعالوا
نحسبها 3% من 4 مليار يعني 120 مليون جنيه طيب نحولهم دولار على اعتبار ان
الدولار ب 6 جنيه يطلعوا 20 مليون دولار !!!
اي والله العظيم محافظنا الهمام كسب 20 مليون دولار في 7 سنين
ورئيس أمريكا كسب 8 مليون دولار في 8 سنين يعني محافظ بورسعيد كسب مرة
ونصف ضعف مرتب رئيس أمريكا في فترة زمنية أقل بعام كامل .
تخيل سيادتك في دولة قال سيادة وزير التخطيط محمد عثمان أن 40% من سكانها
يستحقون الدعم . في دولة يقوم الناس فيها بالاضراب لزيادة مرتباتهم 200
جنيه يعني 35 دولار بس في دولة أتخن موظف فيها مرتبه يبلغ 300 دولار يكسب
محافظها 20 مليون دولار .
احنا بنتكلم عن محافظ مش وزير . محافظ مش رئيس وزراء . محافظ مش رئيس جمهورية .
مش عارف اقول ايه
انا عموما حجزت على مركب رايحة ايطاليا بكره
خلي بالك من العيال يا باتعة

يا ابني الفلوس اللي انت بتقول عليها دي هي اللي احنا نعرفعا ده لسه في شغل تاني احنا ما نعرفهوش وده طبعا غير التبس.

اللى هو اية يعنى
انا عاوز صراحة ومتخفش قول وانا
مش معاك خالص

بصراحه انا لو حبيت اكون رئيس امريكا هيكون علشان سبب واحد اكيد انت عرفته يا ابو صلاح؟؟؟؟؟؟؟؟؟؟؟؟؟؟؟؟؟

اللى انا عارفته مش كل حاجة فى حجات تانية كتير واهم ياعم

السبب هو العربيه بنت الكلب اللي ب20مليار دولار اصل انا وعدت حد انه هيتزف فيها وانا اللي هكون سايقها ونفسي اوفي بوعدي ده لاني خلفت معاه وعود كتير يا رب بس هو مايكنش زعلان مني.

لو متاكد من حبه يبقى متقلقش مش هيزعل

والله انا مش متاكد اصل هو بيقسي عليا اوي ومش بياخد باله اعمله ايه بس؟

جايز تكون انت مش بتديلو اللى هو عاوزة

المهم انا يهمنى راى كل عضو فى الموضوع

» لو كنت رئيس جمهورية.....؟؟؟؟؟
» كيف استقبلت أمريكا إعصار ساندى ؟ مهم جدا
» معجزة تهز عرش أفلام أمريكا وأوروبا
» رئيس الجمهورية صلى الله عليه وسلم
» في ذكري تفجيرات سبتمبر..أمريكا تهزم أعدائها "أونلاين"