علشان خاطر عبد الحميد

رد رائع وهدية أروع يا ابا عمار- بارك الله لنا فيك -

طبعا المفروض محدش يرد غير اللى محطوط له الموضوع
لكن شكرا على الموضوع
وعوزين نفتح دعوة للنقاش فى هذا الموضوع الجاد والحيوى
لنستفيد من خبرات الاكبر سنا

لأ الرد مفتوح للجميع وأنا في انتظار هذا النقاش على أحر من الجمر وأنا أقصدكم جميعا من خلال عبد الحميد حبيبي

هو الموضوع كده هيموت مفيش حماس ليه واللى خيفين يطلع حرام

يا جماعة هو أنتم مش بتشركوا في الموضوع علشان الكلام مش على هوى البعض واللى إيه عوزين نناقش القضية علشان نحسمها

لأ يا استاذ ياسر التاخير ده شان انشغالنا في الكليات أو لأن المتكلم هو أحد شيوخ الفضائيات اللي هم في نظر بعض شيوخ الازهر الكرام مش بيفهموا حاجة وده اللي بيحاولوا يحطوه في الشباب عن طريق شيوخ وشيخات قناة القاهرة والناس و قناة الحياة المحترمين

أما عن الموضوع: سلوجين وانا سبق واتناقشنا في حاجه شبه كده في موضوع آخر
https://nahdaa2.ahlamontada.net/montada-f57/topic-t2141.htm
وانا نفسي أوي أرد على سيرجين

انا قدامي حاليا حالتين واحدة زي مانت عايز تسميها جواز صالونات والتانية عن حب 10 سنين
والاسعد فيهم هي الاولى ولكن الاتنين مستمرين لأن خلاص بقى في أولاد يعني تدبيسة


انا بقى عايز اسأل الاستاذ ياسر سؤال :
حضرتك بتقول ولا خايفين يطلع حرام 000
هو أيه بالظبط اللي يطلع حرام ؟؟؟؟

اللي قصدي عليها إنه يكون حرام هو الحب قبل الزواج والعلاقات التي لاترضي الله فالشخص الذي يحب فتاة يعتبرها قد أصبحت زوجته حكما يسأل أنت اتخرتي ليه ؟ برن عليك مبتردوش ليه ؟ مش عاوزك تقف مع البنت ده تاني؟ وكلام كتيييييييييييييييييييييير بين اتنين مغيبين ؟ وطبعا خلوة وأحاديث سرية وكلام فارغ؟ يقع فيه الكثير وخايف يعرف أنه حرام عوز يفضل مغيب.

بص يا رورو أنا كنت عاوز أبعث لك هذا في رسالة خاصة ولكن قلت حتى يستفيد الجميع بالنسبة لردك على سلوجين لفت انتباهي إن المتزوج عن حب تعيس وزواج تقليدي سعيد وإن كان ذلك صحيح وهو الغالب على ما أرى ولكن لا يجب أن يكون هذا هو المعيار الذي يقيس المسلم الأمور بها ولكن المعيار عند المسلم انتبهوا فهذا الكلام كلام غالي:
المعيار أن الله حبيبي وأنا عبده وهو سيدي -حسوا الكلام بقلبكم- وعلشان كده أعمل اللي بيحبه حتى ولو كانت كل الزيجات بهذه الصورة فاشلة ولكن اللي يحبه حبيبي - الله - حبيبي واللي يكرهه أكرهه .
أرجو التعليق على هذا الرد حتى نرسخ هذا المبدأبيننا

طبعا حضرتك معاك حق
بس للاسف الكلام ده جه متاخر اوي يعني بقى صعب يتغرس فينا إحنا لأننا خلاص بالفعل اتربينا على الصح والغلط

اللي هو يختلف اختلافا كليا عن الحلال والحرام

واتعلمنا
وثبت في عقلنا اللي ثبت صح بقى أو غلط مش مهم كل واحد ونصيبه مع أهله والبيئة اللي اتربي فيها

لكن إن شاء الله ده المبدأ اللي لازم نعلمه لأولادنا ويعيشوا به عشان مش نظلمهم زي ما إحنا اتظللمنا

طبعا من غير قصد من أهلنا لكن بسبب عدم الوعي بالدين

http://www.way2allah.com/modules.php?name=Khotab&op=Detailes&khid=615#UP

لا أوافقك الرأي يارورو هذا المعنى يجب أن يكون مزروع فينا وإن لم يزرع لانفقد الأمل ونقول لما نجيب أولاد نربيهم على ذلك لا لالالالا
فلنبدأ ونجدد النية ونغير أنفسنا ونكون أفضل ولانبكي على اللبن المسكوب حتى ولو كان سننا 100 عام فما بالك وأنت بنت ال18 عام فيمكنك تغير كل صفاتك وتكوني شخصية جديدة خذي مني هذا الرأي فهو نابع عن خبرة فأنا ضعف عمرك تقريبا وتعلمت أن مرحلة الجامعة هي التي تشكل شخصية الإنسان وأهدي لك ولكل من في المنتدى هذه القصة التى تزلزل القلب
http://forums.fatakat.com/thread350636
http://forums.fatakat.com/thread337556

الظاهر كده اني اتفهمت غلط
اناقلت انه صعب وليس مستحيل بدليل : انا واحدة من الناس اللي شخصيتها واهتاماتها اتغيرت كتييير بعد دخول الجامعة

والله أنا حبيت أوضح وجهة نظر أتمنى أن تصل لكل الأعضاء وده من خلال تمهيدك لوجهة النظر هذه ولاتمام الفائدة أبين أنه يجب على كل فرد أن يقوم بتقييم يومي لشخصيته ليعرف ما الصفات الحميدة التي اكتسبها وما الصفات السيئة التي أقلع عنها.
فمثلا بعد التقييم تجدي أن رورو اليوم أفضل من رورو الأمس. فبذلك تكن لحياتك قيمة.
السؤال هل قرأت القصة اللي في الربط السابق ؟ وما رأيك ؟

بصراحة لأ وانا اسفة جدا بس ان والله بجد مشغولة جدا الامتحانات معانا على آخرها

بس إن شاء الله هقرأها في اجازة العيد

وانا مش عارفة اشكر حضرتك إزاي على اهتمامك بالحوار معانا

بس مش عارفة ليه مفيش غيري انا بس اللي بتناقش وبتحاور وباقي الاعضاء مش موجودين

انا قرأت القصة والظاهر كده انها فبركة في فبركة

أو انا عندي مشكلة في اني اصدق حكاوي المنتديات بس مش مهم

المهم ان المعنى ده والظروف دي موجودة فعلا وفي فعلا شباب كتيييييييييير كده ولاد وبنات ميعرفوش عن الاسلام غير اسمه

وهو ده اللي الشيخ حازم شومان كان دايما بيتكلم فيه : إن الملتزمين بيدعوا الملتزمين اللي زيهم

والملتزمات بيدعوا الملتزمات وفيه ناس ضايعة خالص ومش لاقية حد يكلمها ( زي كده مثلا)

ربنا يهدينا