مشكلتى صعبة وعايزة حل من كاتم الاسرار

السلام عليكم يا مستر على الاول احب اعرف حضرتك بنفسى انا اسمى نورهان طالبة فى الصف الثانى الثانوى انا عايزة اعرض على حضرتك مشكلتى واتمنى من حضرتك الرد عليها بالحل المناسب مشكلتى صعبة جدا بالنسبة لى يمكن حضرتك او اى حد يقول انها مشكلة تافهة بين بنات فى السن الصعب ده لكن المشكلة دى ماثرة جدا على حياتى لدرجة انى مش بعرف اذاكر بسببها المشكلة هى ان انا معايا صديقتى من ابتدائى وانا بحبها جدا ورغم كدة هى دايما بتجرحنى دايما قلبها اسود جدا ومش بتسامح على اى حاجة تحصل رغم انى انا بنسى اى حاجة عملتها بمجرد ما نتصالح بحس كتير انها غامضة ساعات نبقى بنتكلم كويس وفجأة الاقيها زعلانة منى واخر موقف ضايقنى منها ان هى زعلت منى على موقف ما بس مكنش قصدى هى فهمت غلط فضلت اصالحها واتحايل عليها وافهمها الموضوع وبرضه ما رضيتش لكن بعدها على طول انا تعبت جدا فى المدرسة لدرجة ان حتى زملاتى اللى انا معرفهمش بكوا علشانى ورغم كدة فضلت قعدة ومفكرتش حتى تيجى تشوفنى وبعد اما خفيت المفروض انى افضل زعلانة منها لكن رحتلها عشان اصالحها حتى من غير ما اعاتبها برضه ما رضيتش من فضلك يامستر قولى الحل عشان انا تعبانة جدا ومش عارفة افكر عشان برضه لسة بحبها وانا منتظرة رد حضرتك وشكرا جدا على برنامج حضرتك العظيم ده اللى اتاح لى الفرصة ان ابوح بما فى قلبى

انا طبعا مش هتدخل في تخصص مستر علي بس انا عايزة أرحب بيكي معانا

ويارب المنتدى يعجبك وتستفيدي منه وتعتبرينا كلنا اسرتك التانية

وربنا يفتح لك ويبارك فيكي ويفرج كربك وهمك

RORO كتب:

انا طبعا مش هتدخل في تخصص مستر علي بس انا عايزة أرحب بيكي معانا

ويارب المنتدى يعجبك وتستفيدي منه وتعتبرينا كلنا اسرتك التانية

وربنا يفتح لك ويبارك فيكي ويفرج كربك وهمك

بسم اللة الرحمن الرحيم
الف شكر يا رورو على تعليقك الجميل المحترم المختصر
العسولة نورهان انت انسانة حساسة اكثر من الللازم وانت بنت ناس كويسين جدا ومشكلتك يا نور
انك انك صاحبة صاحبتها بدرجة كبيرة وهذا ليس عيب يا نور ولكن فى زماننا هذا المحترم ليس لة وجود ولكن اقول لك استمرى كما انت ولا تتراجعى بس يا نور انت عندك مشكلة هو انك تفتقدى الحنان العائلى واللة اعلم قد اكون صح او خطأ ومن هنا اتمنى منك يا نور ان تلجأى الى ماما او اى انسانة اخرى قريبة وفى نفس الوقت تكون امينة لكى تحكى لها عن ظروفك واحوالك ثم مرة مع مرة سوف تنسى الاخت تعاملك بقسوة وحاولى البعد عنها لفترة من خلال تعاملك مع زميلاتك الاخريين سواء فى المدرسة أو فى المنزل واتمنى لكى التوفيق والنجاح وكونى على اتصال بى باستمرار لكى اطمئن وشكرا (السماحي)

شكرا جدا يا مستر على على اهتمام حضرتك واتمنى لحضرتك التوفيق دائما
وشكرا لك يا رورو جدا ولاهتمامك وانا مبسوطة انى معاكم فى المنتدى واتمنى نكون اصدقاء

كارن كتب:

شكرا جدا يا مستر على على اهتمام حضرتك واتمنى لحضرتك التوفيق دائما
وشكرا لك يا رورو جدا ولاهتمامك وانا مبسوطة انى معاكم فى المنتدى واتمنى نكون اصدقاء

لا شكر على واجب يا أستاذة نور وعلى العموم انا سوف اعرف مين هى هذة الزميلة وشكرا لك على صراحتك اللذيذة يا نور قلبى (السماحى )