وتعاونوا على البر والتقوى ولا تعاونوا على الاثم والعدوان
______________________________________________________
1- انا مش هادفع رشاوى واكراميات تانى فى المرور والقسم والمصالح الحكومية
2- مش هارمى زبالتى فى الشارع تانى
3- مش هاعاكس اخواتى البنات تانى فى الشارع ويكون دورى انى احميهم
4- ابلغ جهاز حماية المستهلك لما الاقى حد بيبيع بالغالى
4- مش هابقى سلبى وهاقول لاى حد بيعمل غلط فى وشه ان هو غلط واصلحه معاه
5- هاقدم بلاغ ضد اى تعديات لرجال الشرطة حتى لو كان ظابط سايق عربيته وماشى عكس الطريق وابلغ عن اى فرد فيهم لو تعدى حدود منصبه وماخفش
6- هفتخر ببلدى قدام الاجانب ومش هستعر منها وهاقول انها احسن بلد وافتخر انى مصرى مصرى مصرى
7- هتطوع انى اساعد الناس اللى محتاجة مساعده
8- هعامل الناس بأحترام وهقدر ظروفهم ومعانتهم فى معاملتى معاهم
9- مش هيبقى فى حد احسن من حد وهنعامل بعضنا بالتساوى الغنى زى الفقير كلهم واحد
10- هعرف حقوقى ووجباتى القانونية فى مصر عشان محدش يتعدى على حقى او على حق حد
11- نكون واحد ضد اى فساد فى بلدى حتى لو كان فى مجال عملى اقول للفاسد اخرج مالكش مكان معانا غير لما تكون انسان صالح
*________________________________________*
ثورة 25 يناير مش فرصة للتغير السياسى فى مصر وبس وانما فرصة عشان كل واحد يقدر يثبت لنفسه ولغيره وطنى بجد ومصر على حق.
والرجااااااااااااااء الاخير
ما تهدوش اللى بناه شهدائنا وعملوه لينا
ادعولهم
