تاج التفوق
أهلا بكم أحبابا ووإخوانًا وأصدقاء


مرحبا بك يا زائر فى منتدى تاج التفوق
 
الرئيسيةاليوميةمكتبة الصورس .و .جبحـثالتسجيلدخول


 شاركنا جهود التطوير لا تشاهد وترحل

 



شاطر | 
 

 رسالة من جندى أمن مركزى

اذهب الى الأسفل 
كاتب الموضوعرسالة
مدحت الزناتى

avatar

عدد المساهمات : 5
نقاط : 2935
تاريخ التسجيل : 14/12/2010

مُساهمةموضوع: رسالة من جندى أمن مركزى   الأحد مارس 13, 2011 1:55 am

ياريت تقرأ الموضوع كلة ماتزهقش.. ولو عايز ترد دة يشرفنى

مش عايز ترد .. كفاية انك قريتة

اهديها لكل جندى وضابط شريف رفض أن يصوب سلاحه على أخيه....كلماتى

من يوميات جندى أمن مركزى .. برجا ابدال الـ قاف "جيم" للهجة الصعيدى وكلمة "الولد" بكسر الواو وتسكين اللام


أنا ياما بقالى زمان بين العسكر .. أنا واحد من العسكر
ومستنظر .. أخد تصريح
اجيلك ياما ابوس يدك ويد ابويا
وكيف ابويا وكيف الناس وكيف الأرض والاخضر
أنا واقف هنا ياما بقالى يومين على بطنى
وضد عناصر التخريب أذود الشر عن وطنى
قام الباشا يكلمنا.. يفهمنا
عن القلة اللى مندسة
بكل الجبن والخسة
شباب النت والفيسبوك .. شباب فاضى
خطرهم ياما مش عادى
قالوا لنا كتير عنيهم
قالولنا مش بنى جلدى ولا وطنى .. ولون الوش مش لونى
وأولها يقولوا عيش وحرية .. وسلمية وسلمية .. وخلف الضهر بسلاحه يغفلنى ويقتلنى
وطايح فى الملا يكسر
يصير الأمن متكدر
يصير الباشا متكدر
فدا الباشا أنا ياما وكل الشعب والعسكر
@@@@@@@@@@@@@@@
ويوم الوعد قالوا الأعداء بيتوضوا وح يصلوا
يرد سعادة الباشا
خدوا بالكم مافيش شيطان بيتوضا
لقيت الولد مش شياطين
خدتنى الحيرة يامايا
بأمر الباشا والميرى
راح اضرب اخويا وبيدى
اجرح وردنا البلدى
وكان الذنب والتهمة .. تظاهر سلمى مش اكتر
@@@@@@@@@@@@@@@@
وف الميدان وساعة الجد
دنا منى وخبرته
دانا منك ياولد امى
ولونك مش بعيد عنى
أنا نازل أصحى الشمس من نومها
وازيل الغمة عن بلدى وتبقى عفية من يومها
رميت درعى وعصيانى .. خلاص أعلنت عصيانى
عشان الورد والياسمين .. ولجل بلادى ترجع زين
كلام الباشا يتكسر
@@@@@@@@@@@@@@@@
وفات ساعة .. وصاروا كتير .. ولا الألافات
وخوفهم مات
وصدر الأمر
من الباشا إلى الباشوات
رصاصة غدر
عشان يسكت أدان الفجر
لكنه ياما لم يسكت
أدان الفجر كان أعلى
بدم الشهدا متعطر
الرجوع الى أعلى الصفحة اذهب الى الأسفل
عيد عبدالستار
المدير العام
avatar

عدد المساهمات : 1241
نقاط : 5725
تاريخ التسجيل : 09/02/2009
العمر : 43
الموقع : مصر التى فى خاطرى

مُساهمةموضوع: رد: رسالة من جندى أمن مركزى   الثلاثاء مارس 22, 2011 9:18 pm

أنت جميل جدا يا مدحت ربنا يحميك

عاطفتك صادقة


لكن ما رأيك فى من أطلق بندقيته من الأمن المركزى تجاه الناس وهو ينفذ الأوامر؟

_________________

الرجوع الى أعلى الصفحة اذهب الى الأسفل
http://nahdaa2.ahlamontada.net
أمل الحياة
صاحب/ة التاج
صاحب/ة التاج
avatar

عدد المساهمات : 531
نقاط : 4231
تاريخ التسجيل : 26/04/2009
العمر : 25

مُساهمةموضوع: رد: رسالة من جندى أمن مركزى   الثلاثاء يوليو 12, 2011 12:02 pm

كلام حلو جداااااااااااااااا
بس انا رأي ان الثورة ليها سلبيات وايجابيات
ممكن تكون سلبياتها اكترررررررر
وكمان لسة مش شفنا ايجابياتهااااااا
بس اعتقد ان التغير هيفيد مصر كتير
الرجوع الى أعلى الصفحة اذهب الى الأسفل
 
رسالة من جندى أمن مركزى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
تاج التفوق :: منتدى مصر التى فى خاطرى-
انتقل الى: