اقتراح تعارف

موضوع: اقتراح تعارف السبت يونيو 27, 2009 11:42 am

بقترح يا مستر عيد
ويا كل الاعضاء بانشاء صفحه للتعارف بين الاعضاء
حتي تكون العلاقه وثيقه بين اعضاء المنتدي

موضوع: رد: اقتراح تعارف السبت يونيو 27, 2009 2:25 pm

سننتظر تعقيبات السادة الاعضاء فى الأيام ال3 القادمة بشأن هذا الاقتراح ولك كل الشكر يا إيمان

موضوع: رد: اقتراح تعارف الأحد يونيو 28, 2009 9:07 pm

انا شايفة ان اقتراحك يا إيمان قريب من اقتراح محمد

يعني الاتنين بيكملوا بعض ممكن مستر عيد يختار

حل وسط بين صفحة للتعارف الشخصي وبين صفحة لأخبار المنتدى عشان نكون طبقنا الفكرتين في واحدة

ماهو إحما لما نعمل صفحة لأخبار المنتدى وإجراء حوارات مع بعض يبقى إحنا كده بنعرف بعض اكتر

اقتراحك صخ يا ايمان

يتبقى يوم واحد لننفذ المقترح يا إيمان
انتظروا .............

مى حسونه كتب:: اقتراحك صح يا ايمان

ربنا معاكو وتجيبو الكاس

بس شارك يا كيمو معانا

يعني ايه طيب صفحه تعارف

موضوع: رد: اقتراح تعارف السبت يوليو 11, 2009 5:30 pm

يعني شات مثلا

موضوع: رد: اقتراح تعارف السبت يوليو 11, 2009 6:03 pm

معتقدش شات لان لو شات مفيش حد حيدخل لان اولا اعضاء المنتدى خمسه بس منهم اللى بيفتحو تقريبا

موضوع: رد: اقتراح تعارف الأحد يوليو 12, 2009 2:15 am

الاقتراح حلو جدا وياريت ننفذه

اقتراح مش ولا بد بس فكرته 10\10

موضوع: رد: اقتراح تعارف السبت أغسطس 15, 2009 1:47 pm

اقتراح جيد جدا يا جماعة بس لازم يقنن ويكون تحت اشراف الاستاذ عيد
لان معظم المشاكل بين الاعضاء فى المنتديات بتكون فى منتدى التعارف

والله هي فكرة كويسة بس ياريت تتنفذ بشكل صحيح

موضوع: رد: اقتراح تعارف الأحد أغسطس 16, 2009 2:35 pm

الإقتراح زى العلسل خصوصا إنه جى من إيمان إلى صورتها مكتوب عليها ممكن نتعرف و انا موافق عليه هو إقترح كويس مع إنى أعتقد إن معظم الخمسه سته إلى بيدخلوا يعرفوا بعض
فكره كويسه يا إيمان و انا موافق

موضوع: رد: اقتراح تعارف الأحد أغسطس 16, 2009 6:32 pm

اين باقى الاعضاء اين التفاعل
امال لمه نعمل المنتدى هتعملوا ايه

موضوع: رد: اقتراح تعارف الأحد أغسطس 16, 2009 9:12 pm

ولا حد هيعبه طبعا

ان شاء الله حد يدخل من برة علشان يشارك فى المنتدى الجديد
لان اعضاء المنتدى مش مهتمين خالص

هى دى الإقتراحات ولا بلاش نجيب ناس من بره
اقولك احنا ممكن نجمعهم و نقولهم إلى مش هيشارك هيتعلق

احنا ممكن نعمل اب دايت لاعضاء المنتدى باننا نبعترسايل خاصة للاعضاء الكسلانين

بس فى شرط إننا نبعتلك إنت اول واحد

انا عاوز باقى الاعضاء يردو عليك
هل انا استحق ان ترسل لى رسائل الناس الكسلانين وله لا؟؟؟؟؟

يا عم روح أعضاء مين إلى يردوا مش قولت صحراوى نت
يبقى ولا حد هيعبرك

لا يا محمد انت عامل شغل جامد بصراحه

شكرا يا بوكى

يا عم ده رأى عضو واحد فقط
على فكره يا جماع انا سمعت اخبار كده إن شركه أحلى منتدى كلمت محمد و هتاخدوه ضمن مشرفيها نظرا لنشلطه الشديد بالمنتدى و يا رب حد يقدر عليه
و فى مثل بيقول بالنسبه لعدد المشاركات
(إلى تعلمه النمله فى سنه ( مى حسونه ) يهده الجمل بخفه (slogen ) )
محمد قرب من عدد مساهمات مى و ده خطر على المنتدى لا ومى فى المنتدى من زماااااااااااااااااااان لكن محمد لسه مش زيها قديم يعنى
على العموم ندعوه لزياده مشاركاته و شكرت أخت شكراً

شكرا على العموم يا sergen ومش بعدد المساهمات احنا كلنا بنخدم بعض فى المنتدى وانا مبسوطه انه هجيب عدد مساهمات لانه هيرفع من شان المنتدى يا محترم يا sergen

بجد اذاكانsergen اومي حسونة هما الاتنين اعضاء محترمين وبيقولوا رايهم
وبيشاركوا في المنتدى بطريقة فعالة ويعني احنا المفروض منقولش كدة ومش مشكلة عدد المساهمات المهم يكونوا بجد عايزين يخدموا المنتدى ويشاركوا فيه

يا sergen
والله حكاية عدد المساهمات ديه مش تهم
انا عن نفسي بخدها بالكيف لا بالكم.
واعتقد اغلب الاعضاء كده.

بسم الله الرحمن الرحيم
بصو يا جماعة مي حسونة دي صحبتي جدا ومش هجاملها بس انا معترضه علي المثل اللي ضربه سيرجين
(إلى تعلمه النمله فى سنه ( مى حسونه ) يهده الجمل بخفه (slogen ) )
محمد قرب من عدد مساهمات مى و ده خطر على المنتدى لا ومى فى المنتدى
لان مفيش خطر علي المنتدي من المساهمات الكتير والمساهمات بتدل علي التفاعل من الاعضاي وان المنتدي كويس ومعتقدش ان التنافس يوصل بتشبيه مي بالنمله وان كانت مي عملت المواضيع في فتره طويله ده يدل علي انتقاءها مواضيعها ومحمد برده بينتقي مواضيعة مبشككش بس معتقدش ان ده يشكل خطر علي المنتدي والشركة حرة في اختيارها لمحمد عن ثقة ومي برده تستاهل كل خير وشكرا

فى البداية احب اشكر كل واحد قلل من مجهودى وتعبى فى هذا المنتدى

اقتراح تعارف 14m3y88

وبالتحديد
مى حسونة :وهى تقول مش بعدد المساهمات
وكأن انا بلعب فى المنتدى مش بهتم وشارك وبلصق مساهمات وخلاص

اقتراح تعارف 14m3y88

محمود حسنى :وهو يقول والله حكاية عدد المساهمات ديه مش تهم
انا عن نفسي بخدها بالكيف لا بالكم
وكأن انا اللى بخدها بالكيلو بلم المواضيع .....وبحشى المنتدى وخلاص
اقتراح تعارف 14m3y88

lolododo: وهى تقول وان كانت مي عملت المواضيع في فتره طويله ده يدل علي انتقاءها مواضيعها
وكأن انا بجيب مواضيعى من الشارع او باخد اى موضوع وخلاص
ملاحظة :وضحت الحيادية مثل الشمس فى كلام لولو..؟؟؟!

اقتراح تعارف 14m3y88

""!!!"اللى ميعرفش يقول عدس"!!!""
اقتراح تعارف 14m3y88

يعنى اقعد اتعب واجيب مواضيع ممتازة ومحدش يرد عليها
وفى الاخر تقولو مش بعدد المشاركات.......... مش بالكم .........دى مواضيع مش منتقاه بسلاآآآآآآآآآآآم
على العموم بشكر كل اعضاء المنتدى اللى قللو من تعبى ومجهودى فى انتقاء المواضيع الجادة والهادفة
ويعلم الله مدى تعبى ومجهودى فى وضع كل موضوع من مواضيعى لم انتظر حتى رد او كلمة شكر
ويوم ياتى الرد ياتى بالتقليل من مجهودى

اقتراح تعارف 14m3y88

ملحوظة : انا اكتر عضو لم يتم الرد على مواضيعه ومع ذلك لم اتكاسل لحظة واحدة
واستمرت المشاركات رغم تجاهل الاعضاء

اقتراح تعارف 14m3y88

شكرا يا مى ......شكرا يا محمود.....شكرا يا لولو

اقتراح تعارف Lov111

.

اقتباس :: انا عاوز باقى الاعضاء يردو عليك
هل انا استحق ان ترسل لى رسائل الناس الكسلانين وله لا؟؟؟؟

المشكلة ان انا كنت بستنجد بيكم وفعلا نصفتونى

slogen كتب
فى البداية احب اشكر كل واحد قلل من مجهودى وتعبى فى هذا المنتدى
اقتراح تعارف 14m3y88

محمود حسنى :وهو يقول والله حكاية عدد المساهمات ديه مش تهم
انا عن نفسي بخدها بالكيف لا بالكم
وكأن انا اللى بخدها بالكيلو بلم المواضيع .....وبحشى المنتدى وخلاص
اقتراح تعارف 14m3y88

----------------------------------------------------
انت يا slogen مش فاهم ردي.

sergen بيقول ان عدد مساهماتك قرب من عدد مساهمات مي حسونة وده خطر.

ده اكبر دليل انه بيحب يفيد الاعضاء باكبر قدر ممكن ومدي حرصه علي نفع الاعضاء بكل ما هو مميز في المنتديات الاخري.

وحكاية انك يا slogen اكثر واحد محدش بيرد علي موضوعاتك
احب اقولك صلح نيتك وانت بتحط الموضوع

فأنت تكتب لله لأنك إن أردت منفعة الآخرين بمواضيعك فأنت تعمل ذلك من أجل الله ..

فلا تحزن إن وجدت جفاء أو قلة اهتمام من إخوانك لأحد مواضيعك ..

ولا تحزن إن جافاك الآخرون ..

لم الحزن أخي على هذا الأمر ؟؟!
أأنت أخي تكتب في المنتدى حتى تحصل على عبارات الشكر والمدح ؟؟

أم تكتب لله الواحد الأحد ولأجل أن يستفيد الآخرون من مواضيعك ؟؟

إياك أخي ! إياك اختي !

إياك أن يكون فقط همك أن يقال لك كلمات الشكر والثناء فيكون ما تكتب في موزاين سيئاتك فتكون من الخاسرين ..!!

أنت أكبر من أن تكتب لرضا من لا يغني عنك من الله شيئا ..!!

أنت لك هنا رسالة تؤديها ودعوة تقوم بها ولم تكتب وتتعب نفسك الأيام في كتابة مقال حتى تحصل على رضا الجماهير ..!!
بل اجعل رضا الله هو غايتك وهو هدفك وإن سخط من سخط !!

فلا تتوانى ولا تتراجع وإن قالوا عنك ما قالوا !!

فأنت تكتب لله ولا تكتب ولم تكتب لغاية أخرى !!

نعم قد يفرح الإنسان إذا أثنى عليه إخوانه ويتشجع في تقديم المزيد ..!!!

ولكن .....!!!!!!

ولكن المقصود أن لا يكون همنا وهدفنا هذا الأمر ..

فإن وجدنا كلمة شكر حمدنا الله أن رزقنا الله القبول بين الناس ..

وإن لم نجد فنحن لم يكلفنا الباري جل شأنه هداية الخلق والحصول على رضاهم ..

إنما المكلفون به هو دعوة الناس وتذكيرهم والحرص على هدايتهم ..

بل أخبرك : إن كثيرا ممن يكتب لك كلمات الشكر والإطراء قد يكون لم يقرأ لك موضوعا ً أصلاً ..

وكثير ممن يقرأ من دون أن يعلق شيئا ً قد استفاد الفوائد الجمة من دون أن تشعر أو أن يخبرك ..

وتذكر انك تكتب لله الواحد الأحد ولأجل أن يستفيد الآخرون من مواضيعك .

لا تحزن ان لم يرد علي مواضيعك احد
https://nahdaa2.ahlamontada.net/montada-f18/topic-t801.htm

ولك مني ارق التحيات.
والسلام عليكم ورحمة الله وبركاته

اعتقد ان مفيش حيادية في كلامي وانت يا سولجين مواضيعك جميله جدا احنا بس كنا حسين ان في اهانة وجهت لمي ومش منك بس عمتا انتوا الاتنين مواضعكوا جميله والموضوع مش حكاية تنافس وانا بعتذر ان كان كلام حسسك ان في انحياد لطرف من الاطلراف وبعتذر مرة تانية و ربنا يوفقكوا جميعا علي المواضيع الجميلة اللي انتو الاتنين كتبينها ومعتقدش ان ايمان كان قصدها ان التعارف لايكون بالشكل ده وعمتا جميعنا اخوان في الله ورمضان جاي ارجو ان تصفو النفوس

واضح إنى عملت قلق بدون أدنى قصد
على العموم انا أكتر حاجه ممكن تضايقنى إن حد يزعل منى وانا بقدم
إعتزار أمام الجميع لـ ( مى حسونه ) عما صدر منى تجاها
رغم أنه لم يكن بقصد منى فكل ما كنت أقصده هو التنبيه إلى نشاط العضو المحترم slogen وأخى العزيز أيضا
و الله أنا مكنش قصدى أزعل حد منى خالص وواضح إنى عامل حبه قلق لو حد شايف إن وجودى سوف يقلقه فسوف أرحل عن المنتدى و بكرر إعتزارى لمى
و شكرا لجميع الأعضاء

انا يا جماعه مبسوطه ومش مبسوطه مبسوطه لاني في ناس كتير كانت مختفيه وظهرت مرة واحده للدفاع عن صديقتهم ومش مبسوطه لان الحكايه كلها وجهات نظر ولكل فرد حق ابدا رايه فمي مش تزعل ولا محمد يزعل ويا ريت نكون موجودين في الحلو ع طول ومحمد اسامه اكيد مش كان يقصد يا مي يا ريت مش تكوني زعلانه ولا انت يا محمد تزعل انت عامل مجهود رائع في المنتدي والكل يشهدلك

ردا على كلام محمود حسنى
يا محمود انا بكتب المواضيع دى ابتغاء مرضاة الله ولو عاوزى اى رد او مستنى اى شكر مكنتش كملت فى وضع المواضيع التى لا يرد عليها اى مخلوق
بس مينفعش حد ينكر مجهودى ويقول مش بعدد المشاركات ده مش بينتقى المواضيع بيجبها من الشارع

sergen انت صديق عزيز ومعتقدش ان شوية اختلاف في الراي يخلوك تمشي انت دلوقتي بين اخواتك واعتقد ان انت قدمت اعتزار وده يدل علي حسن النيه وكلنا بنعتزر لان العتزار في حد زاته جميل وانت ده منتداك ربنا يوفق الجميع ويبلغنا رمضان ويجعلنا نحسن استغلاله

خلاص احنا كلنا اخوات زى ما قالت لولو دودو اوكى يا sergen

يا جماعة محمد اسامة شخص كويس جدا وحبوب ومبيحبش حد يزعل منه
لكن انا نفسى اخلص منه بس مش عارف
حد عنده اقتراح

انا ممكن اقولك على إقتراح لحو تموت نفسك و إنت تخلص منه

انا عاوز اخلص منك مش اخلص من الدنيا
بس على فكرة الكلام ده من وراء قلبى يا اس
انت عارف ليه لان انت قلبى وانا قلت الكلام ده منوراك ولو فاهم كلمنى

» اقتراح تعارف
» مقترحات
» اقتراح
» اقتراح
» اقتراح جامد جداا