طلب و أرجو التصويت

أرجو من الأستاذ الفاضل : عيد عبد الستار (مدير المنتدى)
إنشاء قسم جديد يكون خاص بالموبايل و برامجه و أظن إن كلنا بقى معانا موبايلات فأكيد هنبقى محتجين القسم ده ولا إيه [b]

شكراً جداً لإهتمامك مستر عيد بس يا ريت حضرتك تبعت رساله خاصه جماعيه لجميع الأعضاء للتصويت لان معظم الأعضاء مبيدخلوش قسم الشكاوى و المقترحات

مين قال كده إحنا بندخل أهه المفروض ان أي عضو اول حاجه يعملها لما يدخل الموضوع
يضغط على (استعراض المواضيع منذ آخر زيارة لي)عشان مش يفوتنا حاجة
المهم بالنسبة لاقتراحك : وجهة نظري المتواضعة اننا نغير اسم منتدى الكمبيوتر والانترنت ونخليه مثلا تكنولوجيا واتصالات أو حاجه زي كده
ويبقى خاص بموضوعات الموبايلات والنت والكميوتر والبرامج الجديدة
وكل ما هو جديد في عالم الاتصالات عموما
وشكرا على الاقتراح يا sergen

انا موافقة يا جماعة على راي رورو لاننا فعلا محتاجين فعلا البرامج دي وشكرا على اقتلراحك

وأنا كمان موافقه على رأى sergen
ورأى رورو

أحب بس أوضح لرورو حاجة صغيرة إن الكمبيوتر جهاز و الموبايل جهاز أخر
و لا يجب أن نضع ما يخصهما فى مكان واحد يعنى المفروض يكون لكل واحد منهم قسم خاص به و شكراً جدا على رأيك و أشكر الأعضاء إلى ردوا بس فين الباقى

جزاك الله خيرا على هذه الإضافة المميزة فعلا ان الكمبيوتر جهاز والموبايل جهاز آخر .........سبحان الله
كل قصدي هو جمع ما يخص تكنولوجيا الاتصالات في منتدى واحد ولا هما الاتنين مش تبع الاتصالات ؟؟؟؟
بدل إكثار المنتديات بمعاني متشابهه وفي الاول وفي الآخر ده اقتراح واكيد
للأعضاء مطلق الحرية في قبوله او رفضه
ولكن اين هم من التصويت؟؟؟؟؟؟؟؟؟

أنا شامم فى رديك ريحه التريقه
بس نيفر ميند أنا مش مدايق و عموما شكراً جزيلا على رأيك يا دكتورة و عنديك حق فعلا الأقسام كتير فى المنتدى بس ممكن إقترح حاجة أحسن و توفق بين رأيي و رأيك إننا نغير إسم القسم لتكنولوجيا الإتصلات و يقوم أستاذ عيد بعمل فرعين داخل هذا القسم أحدهم للكمبيوتر و برامجه و الأخر للموبايلات
و مستنى رديك عليا
و فيييييييين باقى الأعضاء

لا صدقني رانيا مش بتتريق والا حاجة هية بس بتحب تقول رأيها وانا موافقة على رأيك ومستنية الفرع الجديد ارجو ان مستر عيد يعمله قبل الاجازة ماتخلص

أنا قلت إنى مش زعلان منها حتى لو بتتريق
و بعدين الإختلاف فى الرأى لا يفسد للود قضيه
و رورو من الأعضاء المميزين جداً هنا فى المنتدى و يجب الأخذ برأيها و أناأهو حاولت التوفيق بين الأراء

شكرا على ذوقك sergen
إحنا هنا مش عشان نتريق او نزعل من بعض إحنا هنا عشان نفيد بعض
وعموما انا في انتظار موضوعاتك بشأن الموبايلات في اي مكان
سواء المنتدى القديم أو واحد جديد او واحد فرعي المهم الفائدة

شكراً جدا يا أبو صلاح على التوضيح الجميل ده
و إن شاء الله هبقى أشارك فى القسم الجديد يا دكتورة بالكثير و إنتى كمان أكيد هتشركى بردو ولا إيه و فى الأول أو الأخر إحنا هنا بنكمل بعض

احنا ممكن:
نعمل منتدي اسمه الكمبيوتر وتكنولوجيا الاتصالات
او زي ما قالت د*رانيا تكنولوجيا واتصالات.
او الجوال وتكنولوجيا الاتصالات

يبقي فيه منتديات فرعيه
**************************************
وانا افضل يا رورو ان احنا
نعمل قسم للكومبيوتر لوحده كل ما يخص الكمبيوتر
وقسم للجوال وتكنولوجيا الاتصالات لوحده
---------------------------------
الكمبيوتر والجوال اجهزه اتصال اي نعم
بس كده مش هيبقي منظم (كله داخل في كله)

انا قولت رايي ده لان ده هيسهل علي الاعضاء والزوار
لو محتاجين عن الكمبيوتر وكل ما يخصه
او عن الموبيل وكل ما يخصه.

ده مجرد اقتراح واختلاف الراي لا يفسد للود قضيه.
شوفوا ايه اللي موافقين عليه.

المهم دلوقتي ان مفيش غير تلاتة بس هما اللي بيقولوا في آراء .....
أين باااااااقي الأعضاء؟؟حد يقول حاجة
نفسي اشوف وجه جديد في الموضوع ده

المهم اننا نشارك ف المنتدى الجديد وبلاش نقد أى حد دايما
انا موافقة على فكرة roroو sergen

على فكرة الفكرى دى بتاعتى أنا مش فكرة مشتركه ماشى
غير كده هى بتسأل عن جوه جديده هو إصلا أنا حاسس إن مفيش غير خمس ست أعضاء هما إلى بيشاركوا و بيردوا و أنا قول فى الأول لمستر عد يبعت رساله بس رورو مسبتنيش فى حالى و قالتلى لا إزاى بندخل أهو أهم ياأنسه هما تلاته إلى بيردوا مهى معارضه والسلام أو و النهضه ماشى
بس إلى رد هنا يبقى يقابلنى لو حد انى رد تانى
أنا بهزر يا جماعه محدش يزعل لو فى حاجة بتزعل و الفكرة بقت مشتركه مش بتاعتى لوحدى ولا حاجه

انا بعتذر يا sergen
لو كان الاعضاء فهموني غلط وفهموا ان الفكرة مشتركة
بس انا والله ماليش دعوة
طبعا هي فكرتك خالصة وانا ماليش اي دعوة بيها وانت ليك بيها براءة اختراع كمان
وبعدين الصبر فضيلة يعني كل شئ بأوان ولو مستعجل أوي ابعت رسالة لمستر عيد خليه يجي ينقذ الموقف

mahmoud-hosny كتب:

احنا ممكن:
نعمل منتدي اسمه الكمبيوتر وتكنولوجيا الاتصالات
او زي ما قالت د*رانيا تكنولوجيا واتصالات.
او الجوال وتكنولوجيا الاتصالات

يبقي فيه منتديات فرعيه
**************************************
وانا افضل يا رورو ان احنا
نعمل قسم للكومبيوتر لوحده كل ما يخص الكمبيوتر
وقسم للجوال وتكنولوجيا الاتصالات لوحده
---------------------------------
الكمبيوتر والجوال اجهزه اتصال اي نعم
بس كده مش هيبقي منظم (كله داخل في كله)

انا قولت رايي ده لان ده هيسهل علي الاعضاء والزوار
لو محتاجين عن الكمبيوتر وكل ما يخصه
او عن الموبيل وكل ما يخصه.

ده مجرد اقتراح واختلاف الراي لا يفسد للود قضيه.
شوفوا ايه اللي موافقين عليه.

ما رأيكم دام فضلكم فى تنفيذ مقترح الاخ : محمود حسنى ؟
يعنى منتدى فرعى جديد لبرامج الموبايل

وكل الشكر للأخ :SERGEN على اقتراحه .

يجماعة المشكلة مش فين صاحب الفكرة المهم اننا نعما الصح

وأنا مع محمد
أين بااااااااااااااااااااااااااااااقى الاعضاء

على فكرة يا رورو حلوه براءة إختراع دى و عقبال كده لما نشوفليك براءة إختراع فى مجال عمليك بإذن الله فى المستقبل

أما بالنسبه لـ يويو عبده فهى بتكلم صح مش هنعد نقول مين صاحب الفكرة المهم إنها تتنفذ

أنا عن نفسى موافق على فكرة محمود حسنى مع إنى أنا إلى قولتهالوا ههههههههه أنا بهزر طبعا بس هو بيتكلم صح و أفكارة ديما فى مكانها بس يا ريت الفكرة تتنفذ عشان أنا بزهق بسرعه و شكلى كده هنفض للموضوع أصلا و بعدين الحمد لله العدد إلى رد من الأعضاء لا يتجاوز 1 % من الأعضاء ربنا يسهل و حد تانى يصوت بدل منا أصوت

هتصوت ليه بس يا محمد
وكل الصحح ان شاء الله ننفذه.

مبارك عليكم المنتدى الجديد " عالم الموبايل"
تنفيذا لفكرة : الأخ سيرجين... نرجو التفاعل بسرعة

شكرا جدا يا مستر عيد و عايزيت تفاعل جامد بقى من الأعضاء إن شاء الله