كتكوت (قاعد على القهوة)

--------------------------------------------------------------------------------

كتكوت أبو الليل
في عز الليل
قاعد على القهوة
صديق الطاولة والكوتشينة...
وبالدخان
بيرسم حياة إنسان
لحد الصبح مش فاضي
وطول اليوم ماهوش فاضي
نايم ... صاحي ... على الفاضي
ماتفرقشي
ويتأمر ويتحكم كما القاضي
على الفاضي
******************
أنا وانت أكيد كتكوت
يوم حي .... ويوم م الألم بيموت
ولا يفوت
عليه اليوم دموعه نيمانة
ولكن شطوط
مرسومة علي مجرى عينيه الاتنين
كإن راسماهم ايديه الاتنين
والدنيا حواليه سكوت ف سكوت
ولا حد داري بحد
ما كله في الألم محطوط
ماكله أكيد كتكوت
*********************

شكرا جدا جدا جدا

العفو

يا تري في صهلله

موضوع جميل
ودعونا نبدأ حوار مفتوح
ونقول ما هو الباب الذى يمكن ان ندخل منه لشخص مثل كتكوت لنجعلة يبعد عن ما هو فيه

جميلة ياباربى تسلم ايدك

تسلمى

اى يا باربى هو انا مش بتكلم ولا اية مش المفروض تردى ولو حتى بالرفض

اقتباس :: موضوع جميل
ودعونا نبدأ حوار مفتوح
ونقول ما هو الباب الذى يمكن ان ندخل منه لشخص مثل كتكوت لنجعلة يبعد عن ما هو فيه

والله مش اخدت بالى الباب الى ندخل ليه منه اننا نعرف هو كده ليه ايه الى وصلو لكده علشان نعرف نخرجو من الباب ده تفتكر انت ياسلوجين ايه الى يوصل الواحد انه يبقى زى كتكوت كده؟

بشكرك على المتابعة
واعتقد ان السبب الاساسى فى وصول هذا الشخص الى هذه الحالة
هو فقدان القيم والمبادء والمعايير التى يقوم عليها سلوك الانسان
وهذا يرجع الى البيئة التى يعيش فيها الطفل
والتنشيئة الاجتماعية الغير سليمة
والتى ترجع الى الاهل بالطريقة السليمة لتربية الابناء
وهذا يرجع الى الجهل والامية
لذالك فإن اولى الخطى فى طريق اصلاح هؤلاء هو النظر الى البيئة واسلوب الحياة ومحاولة تطوير هؤلاء لكى يكونوا اناس قادرين على الاندماج مع الواقع وليسوا هاربين منه بمثل هذه الطرق التى ذكرتيها فى الموضوع
كما لا ننسى ان التعليم هو اساس اى علاقة ناجحة لذلك يجب النظر الى الهل الغير متعلمة
ومحاولة تثقيفهم وتعليمهم اسس قيام الاسرة حتى لا تكون عملية التربية عملية عشوائية
فهم يصنعوا جيل
فلابد وان يكون قادر على القيادة ويستطيع تحمل المسئولية وألا يكون هارب منها

» الشيخ كتكوت
» قاعد وسرحان وبتفكر في بكره وفجأه....لمحته من بعيد