أنا الشيخ كتكوت
أيوه .... أنا شيخ
مش مصدق ... والله شيخ
بس جاي م المريخ
أفتي في كل حاجة
من حكم الربا ... لواكل البطيخ
وأحل المشاكل .... لالي صاحي والل نام
أفسر الأحلام
وأفسر الأوهام
واللي ما حلمتوش
وأحلل الفنكوش
وأحرم المنكوش
واللي لسه ماشفتوش
أقف على باب الأمير
ولو مات ... أشوف الوزير
ولو راح ... أشوف الغفير
داللي مالوهش كبير ....
.... بيطير
عن أي حكم... مافيش اعتذار
(ما حكم الخنفشار؟)
نبت عند أهل اليمن
يزيد ألبان الإبل
ويجعل الكلب حمار
ولعم صابر بتاع الخضار
مال حرام .... وويل ونار
اشتري منه بمصري
ومايدينيش الباقي بدولار
وأنا في انتظار
يا اما اعتذار
يا اما في نار
جهنم .. وبئس القرار
أنا غلطان؟؟ ... والا الكلام مظبوط
قولو يعيش مولانا
شيخ الشيوخ ... كتكوت
لا عمره ... كان هلفوت
وفي الحديد بيفوت
لو حتى هد بيوت
يحيا الـ .... كت...كوووووت
