نكت جديدة 2009

موضوع: نكت جديدة 2009 الجمعة سبتمبر 04, 2009 1:07 pm

- استضافوا واحد بلدياتنا في برنامج الكاميرا في الملعب سألوه بتشجع مين قالهم المقاولين العرب
قالوله بتحب مين في المقاولين العرب قالهم الجماعة بتوع المحارة .
- بلدياتنا فتح محل جواهرجي عمل أول يوم ببلاش ..
- واحد وقع في حفرة حدفوله حبل طلع مشنوق .
- 3 بلدياتنا بيلعبوا على القهوة واحد قال كش ملك والتاني قال دبش
والثالث راح واخد الكوتشينة وماشى.
- الأمريكان والروس بيترسموا على بعض الأمريكان يقولوا احنا أول ناس طلعنا القمر
والروس يقولوا لا أحنا أول ناس طلعنا القمر واحد مصري كان واقف اضايق أوى
قالهم انتوا لما طلعتوا القمر لقيتوا إيه هناك ؟ قالوله طوب ورمل وزلط قالهم احنا اللي مطلعينه.
- واحده بتقول لجوزها عمرك ماقلتلى كلمه تحسسني إن أنا مرآتك؟ قالها إنتي طالق .
- بلدياتنا مفتاح عربيته ضاع ميكانيكي جه فتحهاله بطفاشه تاني يوم عمل نسخه من الطفاشه .
- بيسألوا واحد صعيدي بيقولوله المصري بنى الأهرامات والياباني بنى إيه قالهم بنا سونيك .
- بلدياتنا أشترى تاكسي كل لما حد يقوله تاكسي يقوله أيوه تاكسي .
- بلدياتنا أشترى عربيه هيدروماتك قطع رجله الشمال .
- 2 بلدياتنا بيلعبوا شطرنج فواحد بيقول للثاني أنا قتلتلك الحصان
الثاني قاله طب ثانيه واحدة ... لما رجع قاله وأنا سممتلك كل بهايمك .
- بلدياتنا نزل في محطة الرمل رجله غرزت .
- مسطول بيقول لصاحبه تصدق إن بوش جاي مصر بكره قاله علي الطلاق الأهلي يغلبه 4.
- مسطول ركب العربية بتاعته ملقاش الدركسيون ولا التابلوه ولا الفتيس راح عمل بلاغ في القسم إن العربية اتسرقت بعد شويه اتصل بالقسم قالهم الغوا البلاغ أصل أنا كنت راكب ورا .

بشكرك على الموضوع وارجو من السادة المشرفين نقل الموضوع الى مكانة فى قسم وسع صدرك

جميلة جدااااااااااااااااا
جزاك الله خيرا

مشكور جدا على الموضوع اللذيذ ده
فى تعليق بسيط بس على الموضوع يا ريت لما تبقى تحط مواضيع تانى لون الخط و النبى لحسن فى ناس مبتشوفش زى حلاتى يعنى
بالنسبه لنقل الموضوع ليس لاحد من المشرفين صلاحيه التحكم فى هذا القسم غير المدير العام

خلاص يا اس ابقي غير النضاره او هات نضاره كعب كبايه اهو اريحلك برده.

كعب كبايه يا اعمى ليه مش للدرجادى هو انا نظرى ضعيف اوى كده

لا ياعم محدش قال كده انا تحت امركوا وهوضحلكوا موضعيى باللون احسن من دى عندى انا دى يا بوس

شيفين الراجل الزوق برنس والله

شكرا يا راجل يا عسل طلعت زوق عن عبده مع إنه صاحبى

انا بهزر معاك يا اس اوعي تزعل.

انا أزعل إنت اهبل ده انا ازعل بلد

اه ما انا عارف ان انت رخم فحت

فحت و لا فحت و ردم أنا رخم يا برميل رخامه متحركه

بجد رخم 90فاكس وماتخلينيش ازود اكتر من كده

طيب عشان متقلبش جد خلاص يا غلاسه

رخم الهي اتعمش رخم.

انتو باين وبس
عوزين دم

شكرا يا ابو صلاح

انا ممكن اديله انا عندي كتيييييييير اوي.

انت بأ

اصل هو دمه اتصفي من العلقه اللي فاتت وعلشان كده انا عرضت عليه اتبرعله بدم

اوعى تسمع الكلام يا سيرجين
لحسن نقلك حبة الرخامة اللى بتجرى فعروقة

عبد الحميد يوسف كتب:: اصل هو دمه اتصفي من العلقه اللي فاتت وعلشان كده انا عرضت عليه اتبرعله بدم

وهتجيبو منين الدم يا خفيف

اهو سلوجين اليك على إلى فيها احنا غيرنا الدم برخامه
غير كده انا استاذ بتاع عبده اصلا

يجب علينا جميعا ان نتوقف عن الدردشة فى المواضيع
وذلك لعدة اسباب اهمها هو ان الاستاذ عيد نبه اكثر من مرة واعرض عن استياءه اكثر من مرة
حيث ان هذا يعد وصمة عار فى جبين المنتدى
ومتى ندرك الخطأ وجب علينا البعد عنه
فى هذا الشأن ظهر كثير من المجريات اهمها
الإنتفاضة
الدردشة

تعلم كيف تُــتقن ثقافة الردود ؟؟

» رسالة جديدة
» عضوة جديدة
» خطة جديدة للفراعنة لمواجهة السامبا
» خدمة جديدة " الاخبارية الفورية "
» 5 اصابات جديدة بانفلونزا الخنايز