لامتى هينضحك علينا
من
أول حريق مجلس الشورى اللى طلعوه فى الاخر بسبب ماس كهربى وبعدها السياح
المختطفين وكمان السفينه المصريه المختطفه وحريق المسرح القومى وطبعا
حادثه الدويقه ومن فتره حريق قصر ثقافه بنى سويف
سألت نفسى سؤال
فجأه كده؟؟؟؟؟؟؟؟
فجأه فى خلال ايام أو شهر يحصل كل ده ؟
هل كل ده حصل بالصدفه ولا ده مخطط ولا ايه
هل الحرئق دى بتحصل بس فى الاماكن المهمه؟؟؟؟؟ وفى أوقات متقاربه؟
كنا بنتكلم مع صحابى فى موضوع حريق المسرح القومى ده
فواحده صحبتى بتخمن وتقول ان الاخوان مثلا او الناس اللى بيتكلمو باسم الدين ممكن يكون هما اللى عملو كده
لان مثلا بيعتبرو المسرح القومى بيقدم شىء غير دينى والله اعلم
فقلتلها انك لا تهدى من احببت ولكن الله يهدى من يشاء
يعنى مش انسان هيفرض شىء على الناس غصب عنهم لان ده مش معنى الدين الصح
غير كده ده هيهدر المال العام لان الدوله طبيعى هترممه وترجعه تانى
فاللى بيعمل كده هيحاسب لانه تسبب فى اخد فلوس ممكن تكون رايحه للغلابه فتروح لترميم المسرح
نيجى بقى لحكايه السياح المختطفين
يعنى انا شفت التقرير اللى ذاعه التليفزيون المصرى بيأكد ان كل شىء تمام والحياه زى الفل وانه تم قتل عدد كبير من المختطفين
فى حين ان قنوات اخرى بتقول غير كده خالص
طيب فين المصداقيه
فكرونى
بفيلم فتح عنيك لما كل ماتحصل حادثه كبيره تطلع المذيعه فى نشره الاخبار
وتقول أسباب تافهه خالص للحادثه فى حين ان الحادثه كان غرضها تدمير شعب
وكمان حريق مجلس الشورى اللى المفروض فى مشاكل شعب واوراق مهمه بس الناس كتر خيرهم بيقولو ان الاوراق سليمه والحريق محدود
وطبعا الناس دى لازم نصدقهم يا جماعه فى اى حاجه يقولوها ولازم طبعا نتفائل ونقول
عمااااااااااااااااااااااااااااااااااااار يا مصر
