طرائف رائعة ومضحكة تموت من الضحك

الجزمه هي السبب

انا دوللى مرة كنت خارجه انا وماما واختى وحصلى موقف وحش قوى، انا اتاخرت فى اللبس وماما استعجلتنى خالص وبسرعه المهم نزلت وانا خارجه من باب العماره لقيت الناس كلها بتبص لى قولت يمكن انا اموره انهارده حبتين، فرحت وقولت والله كويس وركبت العربيه وروحنا المعموره وبرده لقيت الناس عماله تبص لى وتضحك، ولقيت واحد ولد معجب بيا فرحت وقولت لماما "عايزه اروح الحمام بتاع الكافيه" وانا جوة وعماله اسرح شعرى فجأه ببص لقيت نفسى لابسه فرده شوز كوتشى والتانيه كلاسيك روحت مصوته وزعلت ساعتها علشان كل الى كانوا بيبصوا لى ويضحكموا وكنت فكراهم معجبين بيا اتاريهم بيضحكوا عليا.

هي دي الرجالة

في أحد الأيام كنت أنا وأصحابي نتمشى، أمام أحد البيوت سمعنا صوت صراخ و أصوات ارتطام، بصينا لبعض وقلت يلا يا رجالة نطلع نشوف فيه إيه، طلعنا بمنتهى الشجاعة بسرعة وفي الدور الثالث وجدنا واحد ماسك سنجـة كبيرة في إيده وبصوت مثل الرعد بص لنا وقال فيه حاجة؟؟ وفي ثانية تبدلت شجاعتنا لجبن وأصبحنا مثل الفئران المذعورة ونزلنا مشتتين كل واحد مننا طلع يجري في ناحية، كل واحد مننا راح بيته وأفتكر إننا قعدنا أسبوع ما شفناش بعض.

الكورة والعربيه

كنا بنلعب كورة فى الملعب فى المنطقه عندنا ومندمجين وكل فريق عاوز يغلب علشان يزل الفريق التانى عدت عربيه من جنب الملعب فى وقت واحد كان بيشوط الكورة فى العالى مرت من فوق العربيه السواق برد فعل غير عادى وهوا جوا العربيه وطى راسه ساعتها كل الى فى الملعب وقعو على الارض من كتر الضحك حتى الراجل بصلنا وضحك ورمى علينا السلام وكان من احلى المواقف الى مرت علينا فى لعب الكورة

لسه ماصحاش

مره كنت نايم والتليفون رن قام اخويا رد عليه فلاقي راجل علي الخط بيقوله "التامين الصحي؟؟" أخويا سمعها غلط وسمعها "تامر صحي؟؟" بالطبع كان الرد المناسب انه قاله "لا واللهي لسه مصحاش"

تيك اواى

مجوعة من الطلبة كانوا امام احدى الجامعات واقفين بيشتروا ساندوتشات- واحد بيشترى والباقيين واقفين وراه وعندما انتهى البائع سأل الطالب اللى واقف قدامه: تيك اواى وظهر عدم الفهم على وجه الطالب الذى رفع صوته الى زملائه تيك اواى فصمتوا جميعا الا واحد رد عليه: قللوا يحط بس ما يكترشى

الرخصة
مرة كنت زهقان قوى فنزلت اسمع الكاست فى العربية فقولت لما اخود بالعربية لفة كدة المهم لقيت العربية بتاعت البوليس دة ماشية و لقيت واحد بيقول العربية السودة القدام دة تركن على جنب انا طبعا كنت حمووت من الخوف المهم ركنت و نزلت و المشكلة انى كنت لابس شورت قصير جدا (ميوووة) و تشرت كت لقيت الضابط بيقولى رخصتك و رخصت العربية و انا ممعيش اى حاجة قلى طب اتفضل معايا و سحب العربية و اخدنى عالقسم المهم دخلت القسم و انا لابس الشورت و قاعد مع المجرمين لحد ما جة بابا ودفع الغرامة و اخدنى و طبعا اخدت علقة تمام و من ساعتها مركبتش عربيتنا ولا مرة ولا حتة مع بابا

10/10 يا حوده

جامده اخر حاجه

شكرا لمروركم
نورتوا الموضوع.

بزورك

جامد اخر حاجتين يا حوده

الموضوع منور بيك انت يامحمود

ربنا يخليكي يا باربي ده من ذوقك والله .

» طرائف مصريه
» كاركاتيرات عن الاطباء تموت
» طرائف ودعابات العرب
» طرائف العباقرة
» طرائف بخلاء