خرج الي في قلبك مع اعضاء المنتدى ولاتشيل شي .. ,
عندي موضوع اتمنى يعجبكم
وهوا:
كلنا اعضاء في منتدى واحد حسيت فيما بيننا انو اقرب من كلمة اصدقاء بمعنى انو كل واحد يسأل عن التاني اذا غاب عن المنتدى لو يوم واحد
ويشعر بفقدانه لانه ترك اثر في نفس كل واحد مننا ........
علشان كده بما انو عرفنا شخصيه كل واحد من قسم (كرسي الاعتراف )
فلازم نحس ببعض اكتر يعني لو واحد حس انو عندوا مشكله مؤثرة في وحابب يلقالها حل فأعتقد انو كلنا يد بيد وان شاء الله نحلها ومش شرط تكون مشكله يعني لو احد متضايق أو حد حاسي بفراغ نفسي أو حد حاسي انو محتاج يخرج الي في قلبوا لاي احد ومش لاقي فاحنا هنا كلنا قلوبنا لبعض واكيد راح نسمع وشوف الي بيكتبوا و نحس ببعض ونحاول نشعر بشعوره لانى مافي احد مايخلو من مشاكل ولا في احد مايحس انو متضايق ومحتاج احد
وعلشان كده فكرت في دا الموضوع وحبيت انزلوا و على كل واحد يكتب مشكله يواجهها ويبغالها حل
او
أو يكتب اي احساس هوا حاسس يبيه لانو قلوبنا متقلبه في اي وقت نحس بالحب او كرة او اي حاجه
أو
يكتب اذا كان متضايق من شي ويفضفض الي في قلبوا أو يسأل عن احد أو غيروا أي شي يعني
أو حتى اذا لقي انو عضوا في المنتدى غلط فيه بدون مايقصد وحابي يصارحوا علشان لايشيل في قلبوا يقدر يكتب وبعدها تتصفى النفوس
وان شاء الله الموضوع ينال اعجابكم والاقي مشاركات ونكون اخوة يدا بيد واقرب مما كنا نتوقع
