عدد المساهمات : 4283 نقاط : 10879 تاريخ التسجيل : 30/03/2009 الموقع : فى قلب من احب
موضوع: احنا بناقش قضية .. و لا بندعو للإباحية ؟! السبت مارس 20, 2010 2:52 am
بسم الله الرحمن الرحيم السلام عليكم و رحمة الله و بركاته بعد السلام : طبعاً كلنا أو معظمنا على اطلاع بالأفلام اللي نازلة حالياً في السينما او ع الاقل بنشوف اعلاناتها... و بجد الحكاية بقت صعبة أوي ده الواحد بيتكسف يبص ع الاعلان فمبالك بالفيلم !!! المشكلة الأكبر بقى .. انك لما تيجي تواجه واحد من الممثلين بإن الفيلم اللي عمله اباحي و انه في مشاهد فوق الوصف يقولك احنا عاملينه "للكبار فقط" !!!! يا سلام !! اذا كانت الاحصائيات الاخيرة بتقول ان الافلام اللي بتبقى تحت عنوان "للكبار فقط" بتشد اكبر عدد من الجهور // كبار و صغيرين ،، ده مفيش فيلم الا و فيه علاقات غير شرعية علنية و بيتعاملوا معاها عادي كأنها جزء من مجتمعنا !!! ،، في ناس هتقول ان ده فعلاً موجود في مجتمعنا وان احنا كدة ؟! هقول .. ماشي بس مش بالصورة البشعة دي اسأل نفسك سؤال "هل انت فعلاً متقبل تدخل في علاقة غير شرعية و تعتبر الموضوع عادي ؟؟" ،، و على فرض ان الحجات دي موجودة في مجتمعنا المفروض ان الافلام بتعالجها مش بتزودها دول بيقعدوا طول الفيلم يعرضوا ما لذ و طاب و بعدين يجبولك الحل في آخر 10 دقايق او ميجبوش الحل اصلاً !! ،، طيب سيبك من العلاقات الغير الشرعية في افلام بتعرض السلبيات اللي في مجتمعنا و انا مبنكرش ان احنا عندنا سلبيات كتير .. بس ليه الافلام متكونش موجهه لينا احنا بس ؟؟ لازم يعني تعرض في مهرجنات عالمية ؟؟ و بعد كدة نسأل ليه الغرب بيعتبرونا متخلفين ؟!!! ده كفاية فيلم واحد من دول عشان يثبت ان احنا منتهى التخلف احنا عندنا سلبيات اه .. بس ايه الميزة يعني في اننا نفرج الناس عليها!! انت عمرك شوفت واحد مش كويس بيمشى في الشارع و يمسك ميكرفون و يقعد يعد عيوبه !! ،، نيجي لأفلام الجريمة في فيلم من الافلام الاخيرة .. بدون ذكر اسماء كان سبب رئيسي في زيادة معدلات الجريمة في 2009 لان معظم الشباب خرجوا عملوا اللي فيلم بالظبط ،، السؤال هنا بقى: احنا بنهد و لا بنبني ؟؟ احنا بناقش قضية و لا بندعو للاباحية ؟؟ ياريت تكون الفكرة وصلت و ياريت اعرف رأي الشباب في الموضوع لان الموضوع ده موجه لهم بالذات
