امتحان اللغة العربية

بالتوفيق إن شاء الله

الرجاء من الطلاب وأولياء الامور تسجيل انطباعاتهم

بسم الله الرحمن الرحيم من تعليقات الطلاب على الامتحان
انا اول ما رجعت على طووووووووول قلت ادخل اقول رايي في امتحان العربي
اولا دخلنا اللجان منظمة وهادية وجميلة الجو الصبح كان كويس
مش حر أ وي
معلش لازم نعمل مقدمة
وبعدين جه ورق الاجابة وكل واحد قعد يسطر برررررررراحة وبهدوء
وبعدين جه ورق الاسئلة
وبعدين مسكنا سؤال سؤال وبدانا نشوف ايه الاخبار
التعبير 3 مواضيع ونختار واحد
اول موضوع كان صعب جدا ان احنا نكتب فيه كتير
لكن على بركة الله اخترنا تاني موضوع كان قريب من السهولة وكمان في كلام كتير احنا درسناه
في منهج اللغة العربية نفسها
والموضوع الثالث كالعادة قصة طبعا نو كومينت

وبعدين دخلنا على السؤال الثاني قصة
كانت كويسة بنسبة ستة وتمانين وثلاث اربع في المية ومش عارف ليه اخترت النسبة دي بالذات
على العموم سؤال من الفصل الاول في الجزء الاول
وكان كويس جدا وسهل
وبصررررررراحة مش بصيت على السؤال التاني خالص علشان الوقت
المهم انه كان كويس برضو وسهل ونفس نظام السؤال الاول

دخلنا على القراءة
كانت الى حد ما سهلة بسي كان فيها شئ من الغموض في الاسئلة بسي زي متقولوا كده لازم نختار منهم واحد
وطبعا جه القدس وقضيية السكان
وكانت اسئلتهم متقاربة بنفس الدرجة من الصعوبة والسهولة يعني تختار ده تختار ده مش فارقة

اللي فرحنا اوي سؤال الادب
كان لذيذ وجميل وكان هدية من اللي حاطط الامتحان

البلاغة كويسة لحد كبير بسي فيه كلمات فيها مش كنا عارفين معناها او تقدروا تقولوا مش وردت علينا قبل كده
بسي عدت الحمد الله

النصوووووووووووووووووووص مش هتكلم عنها خالص لان اي واااااااااااحد يقول صعبة يبقى لازم ولابد وضروووووري اني كان 3 نصوص هما نظرة اجباري والاختياري غربة وحنين وكم تشتكي
اسئلة لذيذة وخفيفة وجميلة

النحو للطالب الزكي كويس جدا للطالب المتوسط كويس
ومش هنتكلم عن الطالب الضعيف كله كلام مفهوم وسهل ومن غير غموض ولاتعقيد في الاعراب ولا الاستخراج
ولا الاسئلة المتنوعة كله تمام يعني وفي مستوى الطالب المتوسط واجزاء بسيطة لا داعي لذكرها في مستوى الطالب الزكي بسي كانت نسبتها قليلة جدا

ده كان تقرير شامل عن الامتحان

والمهم دلوقتي نركز في اللي جاي وننسى اللي فات
وانتوا يا بتوع الرياضة قوموا زاكروا تفاضل واي حد تاني يزاكر انجليزي

علشان السنة دي تعدي على خير وتبقى جميلة كده

سلااااااااااااااااااام

شكرا يا مستر عيد بس الامتحان كان الوقت فيه قليل بالنسبه ليا وكان فيه كتابه كتيييييييييييييييييييييييرة جدا

السلام عليكم ورحمة الله
مبروك يا جماعة على امتحان العربي بإذن الله محدش يقل فيه عن28
لأنه فعلا سهل والنحو بتاعه لذيذ جدا جدا وسؤال الأدب فعلا زي ماقال أستاذ عيد
هدية ... بس أنا نفسي أعرف حاجة هي مستأصلة دي هنكشف عنها في
(وصل) ولا فين بالضبط ؟؟؟؟أرجو إن حد يجاوبني
وشدوا حيلكم في الإنجلش والتفاضل

الامتحان سهل الحمد لله بس الوقت يا دوبك يكفي للامتحان.
المهم كلنا نركز في الامتحان القادم سواء تفاضل او انجليزي
ومهم في الانجليزي تمارين work book
واتمني التوفيق للجميع.

ربنا معاكم جميعا و يوفقكم
و ان شاء الله نسمع عنكم كل خير