الحب إحساس جميل(لازم تدخل)

الحب.. .ياسلام


كلمه جميله...تلفت النظر...وأكيد له معانى كتيييييير


بس النهارده هنتكلم عن النوع اللى محيرالكل


ايوه.. ..


افتحواقلوبكم....وكمان عقولكم...وتعالوا..يا أخواني...وياأخواتي

حاسه انى عاوزه أقول لكم كلام لأنى خايفه عليكم قوى







بالفطره




....ربنا خلقنا كده...


هو يميل الى هى


وهى تميل الى هو


هى....فى أحلام يقظتها فارس نبيل....وسيم. ..طويل...يأتى على الحصان الابيض


هو فى أحلام يقظته فتاة جميله. ..كالقمر..رقيقه....رشيقه.. .رائعه...يسير معها على شاطىءالبحر


عادى ...من حقك تحلم....هو حد يقدر يسجن خياله!!


هو حد يقدر يفرمل أحلامه!!دى ماشيه لوحدها...مش بارادتنا


شىء مش بايدك...بس فى ايدك حاجات تانيه.....لازم تعرفها كويس


لأننا فعلا ممكن نغير أحلامنا...ونشكلها ..صح





أول النار. ..شراره




فى حفله...أو فرح...أو فى الكليه...أو فىالشارع....لأ دى من العيله...يعنى بنت عمى....أو بنت خالى..


كان حنفى شراره... ..فى نفس المكان.....


شافته..أو شافها.....لمحه واحده بس...((أول نظره))


والله ملتزم.. ..حتى هى محجبه.. ...ومابصتش تانى....


غضت بصرها...وغض بصره......بس هو الاختلاط


أمال ايه الحكايه


الله...انتوا ما تعرفوش انه كان مستنى اللحظه دى!!وقاعد من زمااااااااااااااااان يترقبها!


هو مين!!......هتعرفوه لوحدكوا


طبعها بالكربون...لأ...حلاهاأكتر و أكتر....


واستخدم مؤثرات صوتيه(( حبيبى يا نورالعين يا ساكن خيالى ))

وكمان صورهافيلم((فيديو كليب....))


لأ....حتى نجوم الليل و القمر...والهوا اللطيف اللى بيسلم علينا كل ليله...ويلمس خدودنا علشان نحس بنعمةربنا علينا.....خلاه يحس انه من عندها!!





وبعدين


ورسم على الشجره قلبه و قلبها
وغنى لعيونها و هو ما يعرفش حتى ايه شكلها
وسرح مع موج البحر رسم على الرمله قلبه و قلبها
وحول حياته لمقبره أيوه. ...مقبره....بس مقبره شكلها من بره حلو قوى
مدفون فيها وقت...وعمر.....وعمل....وقلب مجروح و بينزف ....واحتمال فى أى لحظه يموت


غسيل مخ


عمله غسيل مخ.. ...خلاه ينام...يحلم بيها...وعمل له مونتاج. ..وركب صورة وشها على جسم ((فتحيه بلاطه)) و هى بتغنى فى أغنيتها الاخيره. ..
وصورته على وش الموديل اللى كان معاها. .....فبقى كل يوم بيعيش أغنيه
((كذابه ))
...وحلم ((كذاب)). ...
خلاة يحس ان هو اللى بيغنى... ..وانها بتسمع كلام الاغنيه منه. ..وكان فرحان قوى....وهيمان.....وفجأه تحول حنفى الى انسان كسول .. مجروح....حزين...
وكل ده اخراج.....المخرج..
((شيطان ناجح جدا ))
عرفتوه بقى



طب...طب....ليه عمل فيه كده؟؟وايه الفايده. ..؟؟وليه بقى حزين...وما فضلش سعيد ليه؟؟

تعالوا معاى...علشان تعرفوا ليه بقى فى الاخر حزين




الحب الاول


ما اسمهوش الحب الاول .. ...سيبكم من كلام الاغانى و المفسديون .....
منهم لله.....حسبنا الله و نعم الوكيل
دى يا ولاداسمها ((الفتنه الاولى)) ....يعنى بيبقى قلبك زى الفل..ولأنك كبرت..واتغيرت...ومشاعرك نضجت....بتحس ان فيه حاجه جديده
الدنيا بقت حلوه . ..وردى...وردى...وردى..وردى.... وردى
وبقت القلوب فى كل مكان....على الكشاكيل ...وميداليات....وعلى الكروت...وسلاسل. .وأساتيك.....وشنط...وهناو هناك . ...


واديله بقى((أغانى أم كلثوم.. ...وعبد الحليم حافظ))
أصلها بتيجى على الجرح. ..وبتساعد فى اقناع
العقل بوجود الحلم....مع انه فى الاصل حلم

حد يعذب نفسه بنفسه!!
حد يفضل يشم فى الاكل اللى ريحته واصله من عند الجيران...وهو عارف انه صايم ...ومش هيأكل الا لما المغرب يأذن!!وكمان ما يقدرش يسرق أكل من حد!!
ما هو أصل الموضوع كده
انت صايم. ..وانت صايمه .. .وماينفعش تشموا ريحه أكل حد
اصبروا على الصيام شويه.....لحد ما أذان المغرب يؤذن...ويأذن الله تعالى
ساعتها هتفطروا...والاكل...((الحب)) هيكون طعمه حلو قوى....لأنه
((حلال))....وفى مكانه... .



فكر شويه


يعنى ايه الكلام ده.. . ..
هو انت يا أم البنين ما بتسمعيش ان الحب بعد الجواز مش موجود
وان الخطوبه أجمل فتره فى الحياه
وان...وان...وان


مين اللى قال.....برده...كلام المفسديون. ..فى الحوارات العجيبه.....
هو الحب ورده. ..وقلب. ..وغنوه. ...ونيل و هوا و ميه!!!
لأ....الحب بيتترجم لأفعال ايجابيه....يمكن مش بتشوفوها....البسوا معاى نضارة أم البنين. . ..بالاشعه الفوق المعنويه ...واتفرجوا معايه



نظره جديده



طب قولوا انتم...بلاش أنا
بابا و ماما
طول النهار قدامكم...صح؟؟....فاكرين يوم ما بابا اتأخر...لما كان مسافر ....ماما وقفت ازاى تستناه...رايحه جايه. ...بصيتوا لوشها....شفتوا الخوف. ..والقلق...والفزع...سمعتوا دقات قلبها و هى خايفه.....
ما هو ده الحب....انك تخاف على حبيبك من الخطر..

شفتوا بابا و هو شايل شنطة سفر...ومعاد الطياره بعد ساعه.. .وقلبه بيتقطع و هو بيبوس راس ماما.....وبيمشى و دموعه بتجرى على خده (أول مره تشوف بابا بيعيط)
ما هو ده الحب......انك تكره فراق حبيبك

فاكر لما ماما كانت عيانه....وحرارتها عاليه. ...وبابا واقف فى المطبخ بيعمل الاكل بدالها...وهو راسم على وشه بسمه....بسمة حنان و عطف عليكم...بس مخنوقه...مخنوقه بألم...
ما هو ده الحب برده...انك تتألم لألم الحبيب

شفتى بابا لما مر بظروف صعبه...أد ايه كانت ماما واقفه معاه....واستحملت حاجات كتير...ما هو ده الحب برده...على الحلوه و المره

فاكر لما ماما فضلت واقفه تصحى بابا علشان صلاة الفجر. ...وراسها كانت بتقع....وفضلت لحد ما قام و صلى ....ما هو ده برده الحب.....انك تخاف على حبيبك من نار جهنم((مش تكون سبب فى دخوله نار جهنم... ..))

يبقى الحب...حنان...وموده...ورحمه....موجود جوانا فعلا...مش محتاج أغانى و هباب و فيديو كلاب...
هيطلع هيطلع. ..
بس لما نسمع كلنا الاأذان

النور
يا سلام....حاجه حلوه انك تعمل حاجه فى النور.
...قدام كل الناس...من غير ما تستخبى
أصلك عارف انك صح...وانت عارفه انك مش بتعملى حاجه غلط.....
أمال مين بيستخبى..((الحرامى ))اللى بيسرق حاجه مش من حقه....
وخايف لأنه غلط فى غلط....حتى أحلامه غلط.....فبيخجل يحكيها
طب....ربنا يعلم ما فى الصدور.......
يا ترى جوه صدرك....ظلام... .واللا نور؟؟
يا رب يبقى نور فى نور
ألا بذكر الله تطمئن القلوب



يعنى أحبس نفسى و أعيش فى تلاجه!!

ما هو الظروف معروفه....ولسه مشوارى طويييييل.
...ولسه على ما أكون نفسى..طب أعمل ايه فى نفسى.....يعنى أعيش فى تلاجه!!
حتى لو حاولت....مش هأقدر أبقى على طول فى التلاجه
أيوه...عارفه ان المشوار طويل...ويمكن لو عجبتك ((ستوته ))
تتخطب و تتجوز و تخلف و انت لسه بتكون نفسك..
يبقى انت فى الحاله دى خسرتها....وخسرت أحلى سنين عمرك لأنك ضيعتها فى أحلام سلبيه...ولا بتودى و لا بتجيب...
قصدى بتجيب سيئات بس ...وبتدبح القلب لما تحس انك خسرت المعركه اللى كنت شايف انها معركة حياه أو موت لقلبك الرقيق.....وبيفضل قلبك مجروح.. .ولو مريت فى حياتك مع زوجتك فى المستقبل بأى مشاكل هتلاقى شماعه كبيره
انتاج مصانع ((وساويس الشيطان)) ...تعلق عليها كل حاجه
أصلها مش فتاة أحلامى
أصلها مش حبى الاول
وبالمفتاح الكبير بتاع شيطون بيفتح لك الباب الاسود
(((((لو))))))) لو كنت اتجوزت ستوته كنت هأبقى أسعد
كانت هتفهمنى
كانت هتسعدنى
أصله شاف الزواق اللى من بره بس....واللا صحيح...ممكن يكون ما اتكلمش معاها أصلا..ولا عرف شخصيتها.....((معلش أصلى نسيت ان المخرج شيطون طبع الصوره و كمل باقى مسلسل الوهم من عنده))
ودى النهايه يا أصدقائى
بقى حزين... .بعد ما كانت بداية الرحله...قلب بيرقص....ودنيا ايه....فاكرين
وردى...وردى...وردى...

قصدى
بمبى..بمبى..بمبى بمبى
عارفه ان ستوته فيها مميزات كانت عاجباه. ...لكن كل انسان فيه مميزات. ..وعيوب. ...والحب هو نجاح التفاعل الكيميائى بين مكونات الزوج و مكونات الزوجه...مهما كانت المكونات دى....مش شرط تركيبه معينه....
لأن الموده و الرحمه...هى السبب الاساسى فى نجاح التفاعل

خلى عندك بعد نظر

حافظ على قلبك
حافظى على قلبك
ده ما فيش زيه...اوعى حد يكسره...واوعى انت تكون اللى كسرته ...((الله يسامحك))
رفقا..رفقا....حاول تساعده علشان يفضل خام ...وجميل
بطل تشم روائح كذابه...غض بصرك ....وافتكر دايما شكل الحور العين((يا ترى قريت عنهم. .))
وطول ما انت صايم عن المعاصى. ...هيفضل قلبك سليم...ولما يأذن الله بالحب هيكون طعمه جميل
وساعتها هنقول كلنا((صوما مقبولا وافطارا شهيا ))
فكرفى بكره....هنا....وفى الاخره
ما تخليش منظارك أعمى....بيشوف بس تحت رجليه
اللهم آتنا فى الدنيا حسنه و فى الاخرة حسنه
وقنا عذاب النـــــــار




موضوع عجبنى قلت ابعتهولكم

موضوع جميل جدااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا
ربنا يجعلك دائما فى طريق المحتاجين

السلام عليكم ورحمه الله وبركاته
جزاك الله خيرا يا رورو بس انتى عارفه انتى دوستى على الجرح اللى بيوجع قوى
انا حاسسه بالكلام ده كله عارفه ليه لانى كنت بحب بابا جدا وكان عندى اعظم اب فى الدنيا من تعامله معانا ومع ماما كمان كان فعلا الاب المثالى
ولكن انت تريد وانا اريد والله يفعل ما يريد
توفى اه توفى على فجأه هرب حنان الاب والام تعبت هو ده فعلا الحب اللى انتى بتتكلمى عنه
ان الام كل اما تتكلم تتكلم بالسان الاب ده بابا كان بيعمل كذا ومش بيعمل كذا
تفضل تفتكره وتعيط وتقول هنعمل زى ما كان بيعمل بالظبط مافيش اى حاجه هتتغير
هو ده الحب الحب الحلال

حبيبتي رانيا البقاء لله وحده ربنا يجعله في الجنة إن شاء الله
وييسر حسابه وييمن كتابه ويجعل قبره روضة من رياض الجنة آآآآآآآآآآآآآآمين
يا رب
وسبحان الذي جعلني انقل هذا الموضوع في هذا التوقيت
" ذلك رب العالمين "
اما انتي فهنيئا لك بحبك لوالدك الله يرحمه واقولك حاجة كمان وفكري فيها كويس أوي يااااااااااا بختك بقولها من قلبي وربنا يعلم كان نفسي اكون في موقفك ده طبعا مش معنى كده اني بتمنى لوالدي الموت لا سمح الله ولكن اسمعي كده
الحديث ده من حبيبنا ونبينا : " إن عظم الجزاء مع عظم البلاء، وإن الله إذا أحب قوماً ابتلاهم، فمن رضي فله الرضا، ومن سخط فله السخط "

والحديث ده كمان ما أروعه: " إذا أحب الله عبدا ابتلاه , فإذا أحبه الحب البالغ اقتناه , قيل:وما اقتناه؟ قال :لم يترك له أهلا ولا مالا " فعلامة محبه الله للعبد أن يوحشه من غيره ويحول بينه وبين غيره . وفى الخبر:}إذا أحب الله تعالى عبدا ابتلاه ,فان صبر اجتباه ,فان رضي اصطفاه وقال بعض العلماء :إذا رايتك تحبه ورايته يبتليك ,فاعلم انه يريد أن يصافيك .
واصبري واحتسبي عند الله هذا الأجر الذي وعد به ......
أن رسول الله صلى الله عليه وسلم قال: (يقول الله تعالى: ما لعبدي المؤمن عندي جزاء إذا قبضت صفيه من أهل الدنيا ثم احتسبه إلا الجنة). فالصفي المقصود به: الذي تحبه وتصطفيه من الناس، سواء كان ابنك، أو أباك، أو أخاك، أو صديقك.
واسمعي إلى قول الحق:
"وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ * الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ "

هذا ما استطعت ان انقله لكي من الاحاديث
ابحثي يا رانيا في هذا الموضوع وإن شاء الله ستجدين الكثييييييييييييير
مما يريح قلبك ويذهب همك

موضوع جامد جدا يا roro