السلام عليكم ورحمة الله وبركاته
انا بعتذر بشدة عن عدم كتابتي عن الجنة طوال هذه المدة ويارب تكونوا
بحثت عن مصدر قراءة عن الجنة في هذه المدة ولا لسه مش حاسين انكم مشتاقين؟؟؟؟؟
عموما اللي مش حاسس بكره يحس ماييأسش من نفسه رمضان خلاص قرب
بص بص وانتي كمان اسمعي كده ........اسمعوا معايا:
"أَيَوَدُّ أَحَدُكُمْ أَنْ تَكُونَ لَهُ جَنَّةٌ مِنْ نَخِيلٍ وَأَعْنَابٍ تَجْرِي مِنْ تَحْتِهَا الْأَنْهَارُ لَهُ فِيهَا مِنْ كُلِّ الثَّمَرَاتِ"
شايف ربنا بيقولك ايه .....سمعتي الاسلوب الرائع
يعني بالبلدي كده انت مش عايز تعيش في الجنة ولا أيه؟؟!!!
ولا الايه دي كمان اقرأها كده في سورة محمد:
" مَثَلُ الْجَنَّةِ الَّتِي وُعِدَ الْمُتَّقُونَ فِيهَا أَنْهَارٌ مِنْ مَاءٍ غَيْرِ آَسِنٍ وَأَنْهَارٌ مِنْ لَبَنٍ لَمْ يَتَغَيَّرْ طَعْمُهُ وَأَنْهَارٌ مِنْ خَمْرٍ لَذَّةٍ لِلشَّارِبِينَ وَأَنْهَارٌ مِنْ عَسَلٍ مُصَفًّى وَلَهُمْ فِيهَا مِنْ كُلِّ الثَّمَرَاتِ وَمَغْفِرَةٌ مِنْ رَبِّهِمْ "
شفت الاية بدأت بأيه ؟؟؟
بمثل يعني كل الوصف ده اللي في القرآن مجرد مثل عشان يقرب لك الفكرة
لكن الحقيقة ................لا يعلمها إلا الله "فَلَا تَعْلَمُ نَفْسٌ مَا أُخْفِيَ لَهُمْ مِنْ قُرَّةِ أَعْيُنٍ جَزَاءً بِمَا كَانُوا يَعْمَلُونَ"
طيب يللا بينا على اسواق الجنة:
عن أنس رضي الله عنه أن رسول الله صلى الله عليه وسلم قال : إن في الجنة لسوقا يأتونها كل جمعة فتهب ريح الشمال فتحثو في وجوههم وثيابهم فيزدادون حسنا وجمالا فيرجعون إلى أهلهم وقد ازدادوا حسنا وجمالا فيقول لهم أهلوهم : والله لقد ازددتم بعدنا حسنا وجمالا فيقولون : و أنتم والله لقد ازددتم بعدنا حسنا وجمالا .
ايه رأيكم ؟؟؟
لسه بتحبي تحطي مكياج ؟؟؟
وانت لسه بتكهرب شعرك عند الكهربائي ؟؟؟
طب بزمتك انت وهي هتلاقوا حسن زي ده فين مهما عملتم
*************
وشوف الحديث ده كمان:
عن جابر بن عبد الله قال خرج علينا رسول الله ونحن مجتمعون فقال يا معشر المسلمين إن في الجنة لسوقا ما يباع فيها ولا يشترى إلا الصور من أحب صورة من رجل أو امرأة دخل فيها
ها ايه رأيك؟؟؟؟ عايز تدخل فين؟؟؟؟ في برج إيفل ولا برج العرب ولا حدائق كاليفورنيا ولا بتحب الشلالات ولا ولا ولا اللي انت اصلا لسه ماتعرفش عنه حاجة
طيب قبل ماتخرج من الموضوع جاوب على نفسك:
لسة مستني كليب عمرو دياب الجديد؟؟؟
لسه نفسك تدخل فيلم تامر حسني؟؟؟
لسه مستنية مسلسلات رمضان على أحر من الجمر؟؟؟
لسه بتحطي عطور وانتي نازلة؟؟؟؟؟
وانت مش ناوي تصلي الفجر في المسجد برضه عشان الدنيا بتكون ضلمة؟؟؟
قال عليه الصلاة والسلام : «
بشر المشائين في الظلم إلى المساجد بالنور التام يوم القيامة »
اللهم يا مقلب القلوب ... ثبت قلبي على دينك
اللهم يا مصرف الابصار ... صرف بصري إلى طاعتك
