عندك مبدا!!!!!!!!!!!

السلام عليكم ورحمة الله وبركاته

ازيكم يا جماعه انا عملت الموضوع ده بالذات لان ناس كتير قوى قابلتنى للاسف معندهاش مبدا صح
او فاكره انها ماشيه على مبدا وهيا اساسا معندهاش مبدا
نيجى بقى لصلب الموضوع
وكام سؤال كده نقتتح بيهم الموضوع
*-يعنى ايه مبدأ؟
8*-وهل المبادىء بتجزأ؟بمعنى عندى مبدا يمشى فى الموقف ده ومايمشيش فى الموقف ده؟
*-هل فى فرق بين المبادىء والتقاليد والعادات؟
*-هل فى مبادىء صح ومبادىء غلط؟
*-لو عرفت انك مبداك غلط تفتكر انك ممكن تغيره للصح؟

راى الشخصى
اولا مبدا يعنى الواحد يمشى على منهاج فى حياته ميغيروش ابدا مهما حصل بس يكون فى رضا الله ومايغضبش ربنا فى الاول والاخر

يعنى مثلا :
ماقولش انا ببص على البنات واقعد اعاكس واحاول اتعرف على دى وعلى دى واكتر رصيدى من البنات واقنع نفسى انى هلاقى بنت الحلال بينهم
ده ممكن يكون مبدا عنده وطبعا بيقنع نفسه انه صح مع انه غلط
بس تعرفو ايه المشكله انه حتى بعد ما بيلاقى بنت الحلال برده لسه بيحاول يتعرف ويعاكس طيب ياعم فين مبدأك ؟المفروض انك كنت ماشى على مبدا وبتعمل الغلط اللى انت شايفه صح عشان سبب وخلاص مبقاش فيه سبب ,ليه بقى لسه ماشى عليه

الحرامى مثلا تيجى تساله انت بتسرق ليه يقولك انا بسرق من الغنى بس عشان انا فقير وربنا قال ان الغنى لازم يدى الفقير,واهو مبدا عنده بس غلط وحرام ,هوه اكيد عارف انه غلط وحرام بس بيقنع نفسه ان الغاية تبرر والوسيله
وهيا دى النقطه اللى فى الموضوع,
الغاية تبرر الوسيله

طبعا الامثله كتير بس مش معنى كده ان الناس كلها عندها مبادىء غلط بس هل ياترى اللى عنده مبدا صح ماشى عليه صح وفى كل حاجه ؟ولا ماشى على سطر وسايب سطر

هل فيه فرق بين التقاليد بين المبادىء والتقاليد والعادات؟
طبعا فيه فرق بس فى راى ان فى اوجه تشابه وممكن يتلاقو مع بعض فى حاجات .
وفى ناس كتير تقاليدها ممكن تكون حاجه وهيا بتعمل حاجه تانيه خالص

طبعا انا تطرقت للموضوع ده بعد موقف حصلى من واحد كنت فاكر انه عنده مبدا
بس للاسف هوه موافق ان المبدا ده يطبق عليه هوه بس انما على غيره لا
وده مثال مثلا
يجى واحد يعاكس واحده فى الشارع وحد يشوفه يقوله يعنى ترضاها لاختك؟يقوله مكلش دعوه باختى؟وممكن يتخانق معاه ,تفتكرو بقى انه ممكن يرضى ان حد يعاكس اخته زى ماهوه بيعاكس البنات اللى مش اخواته دما بس اخواته دينا.مافتكرش

عذرا يا جماعه للاطاله فى الموضوع بس بجد الموضوع ده شاغلنى قوى ونفسى اتكلم فيه كتير قوى واقول على امثله كتير بس ان شاء االله فى مشاركات تانيه بعد ما اشوف ردكم ورايكم فى الموضوع.

وفى شوية كلمات جميله وجدتها اثناء بحثى :واليكم الكمات:

أنا عندي مبدأ..

انكسر القلم وما عاد له نفعا..وتبعثرت الأوراق وتناثرت أفكارها..
اختفت قيمتها..ورخص ثمنها..
فهل أبيع قناعاتي ؟؟ وأتنازل عن مبادئي ؟؟
هل أغير أفكاري وأساير تطلعات غيري ؟؟

أعتذر فأنا لدي مبدأ..

كنت أعتقد أن للناس مبادئ يصعب تغييرها..
وأن قناعات الإنسان تأخذ منه عمرا..
وتستحوذ على أفكاره..
فيدافع عنها حتى يسقط وإياها..
والآن نراها تتساقط أمام أعيننا بين دقيقة وأخرى..
وتتغير كما جلد الأفاعي..وتتشكل حسب فصول السنة..
تارة هي تناسب حر الصيف فتراها أكثر انتعاشا وانطلاقا وأكثر حرية..
وتارة تراها تختفي خلق قناع جليدي تذيبه شمس ربيعية فيأخذ منها نضارتها..
وربما يستبيح صفرة الخريف فيتعرى من مفاهيمه..
فهل سنجعل مبادئنا في أيادي الغير يشكلوها كيفما أرادوا ؟؟
ونسمح لهم بالتلاعب بها كيفما شاؤوا؟؟

أبدا..لن يتزحزح ثباتنا..فنحن لدينا مبدأ..

نساير الحياة بحلوها ومرها..
ونسير فيها على أمل أننا نخطو في مسارها الصحيح..
قد تعاندنا..قد تتعبنا..
تضع العوائق أمامنا تعرقلنا..
قد نجتازها وقد ننهار..
قد نتعب ونستسلم لها..
فيكون أسهل علينا أن نسايرها..
حتى لو على حساب أنفسنا..
حتى لو غيرنا قناعاتنا وبعنا مبادئنا..

كم هو قاس..
كم هو مؤلم..
أن تشاهد مبادئهم تنهار أمام عينيك..
وتراهم قد تخلوا عن قناعتهم وسايروا الركب..
ويا للخزي..
حين نسمح لغيرنا بالتلاعب بنا وبأفكارنا..
ونحن أدرى الناس بانعدام مبادئهم..
ويا للعار..
حين ننجر وراءهم..نتبع خطاهم..
ومع كل خطوة نخطوها..
نزرع خلفنا طريقا أشواكه تدمينا قبل غيرنا..
طريقا كان يوما يزهو بأزكى الورود..

فتحية إجلال لكل من ضحى ومازال يضحي من أجل مبادئه..
وتحية إكبار لكل من هب للدفاع عن مبادئه وقناعاته..

اشكركم لصبركم ومستنى تفاعلكم فى الموضوع ولى تكلمه ان شاء الله بعد الرد

وكل سنه وانتم طيبين بمناسبة الشهر الكريم
ويارب يكون عندنا مبدا من دلوقتى ونمشى صح قبل رمضان وفى رمضان وبعد رمضان

والسلام عليكم ورحمة الله وبركاته

حلو الموضوع ده بس إنسى موضوع التفاعل و يا ريت تكملى

ميرسي يا محمد ليك بس كمل انت معايا وان شاء الله يعملو زينا عندي امل بذلك