بسم الله الرحمن الرحيم
عذاب ضميري يقتلني يوما" بعد يوم على دماء من يموتون ونحن المشاهدون ، أرى حوادث نظرية لاقيمة لها في نظر من يعلمونا الحرية التي منعوا الشعب منها أ وأتسائل ((أليس من حق هؤلاء أن يحاكموا كما أرسى الله سبحانه وتعالى في كتابة أن الجميع سوآء أمام قضائة ورحمته )).
بسم الله الرحمن الرحيم :
أسمحولي أتكلم بالعامي لأن دي لغة العالم إيلي بنتمي لأرضة ، ولأني موضوعي ده مش مفصود منه إني أحصل على رد ولا ثناء ، بس بجد أنا أتوجعت يوم ورا يوم من أشباح جيل بيتحطم ، وأنت ياسيدي المسؤول مسئول أمام رب العباد للأبد ، ولأني واثقة بتمام التأكيد إني مهما كتبت ومهما أتكتب من غيري ولو مليون مرة مفيش حد حيعبرنا ولا هيفهم لأن أصلا" المرحلة دي فاتت بالنسبة لحضرتك !، عزيزي المسؤول أنا بس كل طلبي إني أسئل كام سؤال ع الماشي لأني حاسة إني مخنوقة زيادة عن اللزوم ،وتعبااااانة جدا" ...وحاسة بالظلم ، وأكيد منصب أي مسؤول بيقدر معنى الظلم والضغط الخفي المؤلم إيلي بيسببه .
أنا عندي 3 أسئلة بس مش أكتر ، ومش هحاسب ولا هعلق كتير ، لأن دةمش من إختصاصي ((ده المختص بيه ربنا سبحانه وتعالى ))ومش هنا ((ده يوم القيامة بإذن الله )).
رقم واحد : من خمس شهور تقريبا" كان في شاب أسمه مصطفى والحقيقة أنا معرفوش لكنه كان صاحب أخويا وكان بيتكلم عن أحلامه وإزاي بيأسس مستقبلة بعد مايكون دكتور بإذن الله ، تاني يوم الصبح لقينا ورقة مكتوب عليها ((البقاء لله ))قولنا كلنا يمكن قدر ربنا سبحانه وتعالى بس إكتشفنا إنه الولد دة مات لأنه ببساطة جدا" وهو في الباص الصبح ومتجهه للجامعه بتاعته سواق سكران خبط الباص والأزاز إيلي في الخلف وقع عليه ومش عايزة أذكر حصلة إيه بالظبط ، ناهيك عن إيلي إتنقلوا المستشفى في العناية المركزة ، سؤالي بقى : بعد الحكاية الطويلة العريضه دي .السواق إتمسك ولا لسه ؟؟؟(أقولك دور على حادثة تانية يمكن تلاقية بيهرب برضوا بس المهم بقى إنه الضحية رقم 2 متكونش إبن وزير ولا رجل أعمال ليه وزنة (عشان تعرفوا تطنشوا وتكملوا كوباية الشاي !)
رقم 2 : الظباط ليه يافندم مبقاش عندهم إحترام للبشر ، ياترى ليه لما مش بضحك في وشه وأتغزل فيه بيرميلي الباسبورت ويوقفني في آخر الطابور ؟ ((عقدة ولا سلطة !)) ، وليه واحد مكملش 22 وواقف يهزأ في راجل عجوز ويزعق في واحد أد أبوة (( ياترى بيجرب صوتة ولا حضرتك وظفته على حسب قدراته الصوتية !)
رقم 3: هي مصر في سنة كام بالظبط ؟؟؟!!!!!!!! (على فكرة مالوش إجابة صدقني وأصعب من إيلي فاتوا )
