عدد المساهمات : 69 نقاط : 5726 تاريخ التسجيل : 25/08/2009 العمر : 37
موضوع: صفات البنت المصرية الثلاثاء سبتمبر 15, 2009 4:42 pm
موضوعى انهارده عن صفات البنات المصريات
وربنا يسترها يا رب ويعدى اليوم ده على خير علشان انا حاسس ان الموضوع ده بعده وقف
الصفه الاولى
اللسان
البنت المصريه ربنا واخد منها كل حاجه ومديها لسان زى الحربايه_ والعياز بالله_
لو فكرت انك تتريق على واحده اكيد مش هتسلم من لدغته _ يلا تستاهل_ وخاصه لو كانت عامله التحجيبه سبانش _ احذر من دول _
الصفه التانيه
التناكه
البت من دول تلاقيها مناخيرها فى السما _ على ايه يعنى _ ولو اضطرتك الظروف لانك تقرب جنبها لاى سبب من الاسباب حتى لو هى مش فى دماغك اصلا ولا انت واخد بالك منها
تلاقى عرق التناكه نقح عليها وفاكراك عاوز تكلمها على اساس ان خلاص يعنى مفيش غيرها فى الدنيا وتلاقيها بصتلك بطرف عنيها كدا علشان متبينش اهتمام وتبعد خطوه صغيره اوى مبتغيرش مكانها اصلا
يا دوب بس تحسسك ان فى كائن جنبك تعالى بئى فى كليات العملى زى الطب والهندسه والصيدله لو اضطريت انك تكلم واحده زميلتك فلازم تجهز مليون سبب مقنع لسايدتها علشان متتنكش عليك طبعا هتبدأ بئى تسألها عن محاضرا وكلام فارغ وهى هتستهبل وتعمل انها مصدقه _ ال يعنى مفيش طلبه غيرها فى الدفعه _
ناس تنرفز والله يا اخى
الصفه التالته الشياكه
الشهاده لله يعنى البنات دلوئتى بيهتمو بنفسهم اوى
يعنى لو تفتكر فى اول سنه فى الكليه البنت بتدخل وكأنها هتشوف عريسها
السنه دى وفى اول رمضان مع بدايه الدراسه قابلت واحده عندنا اعرفها
اسألها ياخويا رايحه فين قالتلى رايحه اشترى ميكب
يا حاجه داحنا فى رمضان
بس بكره الكليه
اه اذا كان كدا معلش
طبعا كلكو فاكرين القصه بتاعه الست اللى كانت كل يوم تصحى تلاقى وشها غرقان ميه : بس بالرغم من كدا علماء الاجتماع بيقولو ان الجيل الجديد هيغير الصوره دى للست المصريه
يعنى ممكن لو لاقدر الله اتجوزت تدخل تلاقى مراتك شبه البنى آدمين عادى يعنى مش هتلاقى اريال طالع من دماغها ولا ريحه البصل مبهدله الدنيا
يمكن يا عم متتشائمش :
الصفه الرابعه
احتقار الرجل
متفهمش يا اخى الستات والبنات بيحتقرو الرجاله كدا متفهمش ليه
على اساس يعنى انهم ولاد ناس وحنا ولاد .......................
ناس تانين ؟
بس العرق الفرعونى نقح عليا فى الايام اللى فاتت وافتكرت السبب
فى راجل رحاله من زمان اوى لاحظ سلوك الستات ده وارجعه لوقعه تاريخيه معروفه اوى وهى حادثه خروج فرعون لمقابله سيدنا موسى خرج فرعون مع ساده مصر فى وقتها ومفضلش فى البيوت غير الستات والعبيد وبعد هلاك فرعون واللى معاه بطبيعه الحال الستات اتجوزو من عبيدهم
وهوده السر فاكرينا عبيد عندهم حضاراتهم :
الصفه الخامسه
الاجتماعيه
البنت المصريه اجتماعيه بدرجه جيد جدا
فى ثانيه كدا تلاقيها رمت ودنها فى اى حوار ومتسيبوش الا ما تجيب اخره
وطبعا بأجتماعيتها دى بتعرف تجيب اطراف الموضوع من كل الناس
عبد الحميد يوسف صاحب/ة التاج
عدد المساهمات : 1154 نقاط : 6880 تاريخ التسجيل : 31/07/2009 العمر : 33 الموقع : الدنيا
موضوع: رد: صفات البنت المصرية الثلاثاء سبتمبر 15, 2009 7:13 pm
والله يا مجدي انت بتقول حكم وكلام جامد اوي وربنا يستر علينا منهم . بس احلي حاجه انت قولتها " تلاقيها رمت ودنها فى اى حوار ومتسيبوش الا ما تجيب اخره" بجد دي اكتر حاجه عاجباني هههههههههههههههههه .
