هل الحب في حياتنا اساسي ولا فرعي؟

في البداية بسلم علي كل اعضاء المنتدي الاعزاء.وهبتدي موضوعي بأسئلة ومنتظرة الردود. هل الانسان عايش عشان يحب و يتحب ويعمل صدقات متعددة سواء اذا كان بنات او اولاد ولا الانسان بيحب عشان يعيش و يقوي ويقدر يواجه صعوبات الحياة بهذا الحب و هل ممكن الانسان يجي و يمشي من الحياه من غير مايحب ولا يكون له اصدقاء و هو اصلا الانسان يقدر يعيش لوحده في الدنيا؟؟؟؟؟؟

لا طبعا يا امل الانسان مش عايش بس عشان يحب واذا كان عايش عشان يحب فعشان حب الله اما الحب اللى انتى تقصديه ده ربنا بيبعتهولنا من غير احنا ما نسعى وراه

نورتي الموضوع يا قمر بس انتي اكتر واحدة عارفة قد ايه الانسان صعب يعيش من غير صديق وقد ايه برده الانسان صعب ينسي حد بيحبه او صديق له وعشان كده سألت الحب والصداقة بتقوي الانسان ولا بتهده و بتبعده عن حياته

لأ طبعا الانسان مش عايش عشان يحب ويتحب ويعمل صدقات في المقام الأول

أحنا فيه غاية عظيمة هي الهدف من خلقنا وهي عبادة ربنا

وده مايمنعش ان احنا نعمل الصدقات دي في إطار العبادة ونحب لا نحب إلا في الله عشان نسعد في الدنيا والآخرة

وبالنسبة للصداقة فهي أمر يعتمد على الصديق وحسن اختياره

يعني لو اختارتي صح هيبنيكي ولو اخترتي غلط يبقى التانية