العيب فينا ولا في الشمس؟

طبعا كلكو استغربتو من العنوان
هو العنوان فعلا غريب بس الموضوع كله وجهة نظر
ندخل في الموضوع.

طبعا الشمس بتشرق وهي لسة هادية وممكن كلنا نبصلها بس بعد ما تشرق بشوية مش بنقدر نبصلها وبتبقي صعبة علينا وحامية وبعيد عن كل الاسباب اللي تفسر الحكاية ده انا هقول حاجة كده اللي انا شايفاه
الشمس لما بتشرق بتبقي لسة مشفتش الناس ولسة صافية وبتبقي في اشعتها هادية عشان شايفة الناس كلها طيبين بس لما تبدأ تخش في بيوت الناس وتعرف همومهم ومشاكلهم مش بتقدر تستحمل واشعتها بتبقي حامية اكتر واكتر كأنها بتعاقب الناس وبتقولهم مينفعش اللي انتو فيه ده وفوقو شوية الحياة مش هتدوم وبلاش مشاكل كتير.صفو قلوبكو لبعض وحبو بعض بجد ولو كل واحد حس انه مسامح كل واحد غلط فيه مش هيلاقي حاجة ممكن تخليه يكرهه عشانها بس رغم كل اللي بتشوفه بترجع الشمس تسيبهم وتبدأ تخف في اشعتها علي امل انهم يفهمو ويعرفو الصح وترجع في اليوم اللي بعده وهي فاكرة ان الناس خلاص بقو كويسين بس بتلاقيهم زي ما هما
دايرة وكلنا ماشيين فيها ومحدش عارف هيطلع منها امتة ولا هنقدر نهرب من مشاكلنا ولو هربنا منها انهاردة هنلاقي بكرة غيرها وهنفضل علي الحال عشان ,هي ده الدنيا مينفعش كل ايامنا حلوة ولا كل ايامنا وحشة بس بيتهيألي ان دلوقتي ايامنا بقت اكترها وحشة من كتر اللي بنشوفه
بجد محدش عايش مرتاح
يا رب مكنش ضايقتكو بكلامي بس لازم يكون فيه مؤشر يحذرنا عشان ميجيش علينا اليوم اللي منلاقيش فيه حد جنبنا.