السلام عليكم ورحمة الله وبركاته
ها يا جماعة أخباركم أية ؟؟؟ مستحضرين النية ولا لأ؟؟
أيه!!! هو أيه اللي نية أيه، دي النية دي بكرة إن شاء الله هتعمل شغل جامد
نية أنا داخل/ة أمتحن ليه؟؟
لله أولا:يعني أيه لله؟ يعني عشان أرضي ربنا بتفوقي في دراستي
وأبر والدي بتفوقي في دراستي وبذلك أكون برضي ربنا ،ولكي أجعل الأمة الإسلامية في الصدارة دائما...
وبعد كده لنفسي: لأن المهام الصعبة يُنتدب لها الرجال.
ولو قعدت تفكر هتجيب نوايا أكتر من كدة بكتييير بس لازم كلها ترجع في الآخر لله:" وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ "
****لااااااااا تــنـــــــسى****
الدعاء المستمر والأذكار
ودي شوية نصايح خفيفة لحل الأمتحان:
1-اقرأ السؤال كويس جدا جدا،لأنك لما تحدد المطلوب صح يبقى هتجاوب صح
2-النظافة والنظام في الحل مهمة جدا(بتروق المصحح)
3- أبدأ بحل الأسئلة السهلة،و التي ذاكرتها جيدا حتى تعطيك قدرا من الإطمئنان والثقة بالنفس
4-أول إجابة تطرأ على ذهنك غالبا هي الصح،فاحذر أن تغير إجابتك إلا إذا
كنت واثق أن الإجابة الأولى خطا
5-اترك فراغا بعد إجابة كل سؤال فربما تحتاج لإضافة شئ زيادة عند المراجعة
6-لا تترك أي سؤال دون أن تكتب فيه أي حاجة خليك/ي ذكي ،يعني مثلا لو فيزياء ومعرفتش لا قدر الله مسألة ،أكتب كل القوانين اللي تشك أنها تخص المسألة..
7-الأهم فالمهم في تسلسل الإجابة يعني (شوف الممتحن عايز أيه واكتبه الأول)
وبعد كده أرغي براحتك
8-العناوين هي الأساس وخاصة في الأدب أو علم النفس والفلسفة والإقتصاد
وبعض أسئلة الأحياء(العناوين الكبيرة الأول ثم نكتب تحتها اللي ربنا يقدرنا
عليه)
9- الإصرار والإلتزام هو مفتاح التفوق (استرجل للولاد،واتستتي للبنات)
10-الإستعانة بالله والثقة بالنفس وهدوء الأعصاب(يعني أنت داخل تمتحن عربي هتلاقي أسئلة كيمياء مثلا ماهو برضه عربي)
"قُلْ لَنْ يُصِيبَنَا إِلَّا مَا كَتَبَ اللَّهُ لَنَا "
11-أوعى حد داخل لجنتك يوترك وبالذات في المواد العلمية وبالذات أكتر في الفيزياء، اللي يعيط يعيط واللي يمشي بعد نص الوقت يمشي وأعلم إن العيب فيه
هو مش في الإمتحان أما أنت ده أنت دكتور في المادة دي (أي مادة)!!
ولـــكـــــــــن مـــاذا بعد الإمتحان؟؟؟
1-أوعى تراجع اللي حصل حصل واللي أتكتب أتكتب واللي ماتكتبش ماتكتبش
2-أنسى المادة دي خالص
3-ركز تفكيرك وطاقتك في المادة الجاية عشان تعوض
***شئ هام جدا في حياتنا كلها***
بعد أن أخذت بالأسباب،فلا تحزن على شئ ،فالله تعالى له حكمة في كل شئ
ولا شك في أنه يريد لك الخير ،وكم من الأمور في حياتنا رأيناها في أول الأمر مصيبة ثم اكتشفنا أنها نعمة عظيمة
"وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ "
مش عملت اللي عليك خلاص يا عم ، حتقطع نفسك يعني ،يبقى كل اللي
يجيبه ربنا كويس..
مش لاقية كلام تاني بس كل اللي أقدر أعمله أني أدعيلكم وإن شاء الله تكونوا مبسوطين بعد العربي
والسلام عليكم ورحمة الله وبركاته
