فكرة حـــلوة أرجو التفاااااااعل

السلام عليكم ورحمة الله وبركاته
جبتلكم حاجة كدة شبه المسابقات بس كلها خير وفائدة للجميع إن شاء الله
فكرة الموضوع بتعتمد على أن كل واحد منا لي ورد من القرآن الكريم (يعني اللي بيقرأ كل يوم جزء ،حزب ،أو حتى ربع حزب) من القرآن
واللي مالوش ورد يعمل لنفسه كل يوم ورد ولو حتى صفحة واحدة بعد صلاة أي فرض من الفروض أو في الوقت اللي يناسبه ....المهم
كل واحد بعد مايقرأ ورده يُخِرج لنا الأية/الآيات التي أثرت فيه أو هزته أو انفعل بها أو سمع حاجة عن أسباب نزولها وما إلى ذلك ....
ويكتبها لنا ويقولنا إحساسه
عشان اللي بيخطر على بال أحدنا لا يخطر ببال الآخر وبذلك نفهم القرآن أكتر
ونقرب منه أكتر وناخد حسنات أكتر ونتعايش معه كما كان الصحابة يفعلون
****أنا خلصت ويا رب تكون الفكرة مفهومة
وأرجو التواصل **أرجو التواصل**أرجو التواصل**أرجو التواصل
واللي هيرد ويقول أول رأي في الفكرة دي هو اللي هيبدأ
ويكتب لنا الآية بتاعته
تقبلوا تحياتي..

فكرة رائعة..و ان شاء الله التواصل قريبا.

شكرا يا محمود لردك ، لكن انا زعلانة جدا من كل أعضاء المنتدى
عشان كان نفسي أوي نقوم بالموضوع ده مع بعض

احنا معاكي يا RoRo

الفكرة جميلة جداً
بصراحة
يا بختك يا رانيا
إنتي كده كسبتي كتير أوي
كل واحد فينا هيقرأ القرآن هتاخدي أجر عليه

بجد
أمنيتي دلوقتي ودعائي
أن يجمعني الله بيكي في الجنة إنتي وكل إنسان صالح
ربنا يعزك ويكرمك
وبجد
بتمني ليكي التوفيق من كل قلبي
ربنا يوفقك يا أختي في الله

::::::::::::::::::::::::::::::::::::::::::

يارنيا وان شاء الله كل هيتفاعل مع الموضوع

شكرا لكم جميلا على هذه العبارات الرقيقة
لكن أين التفاعل الحقيقي انا فعلا نفذت الفكرة دي في المنتدى التاني ولقيت تفاعلات مش تفاعل واحد... هما اللي هناك احسن مننا ولا أيه
ولا إحنا اللي بخلاء بمشاعرنا؟؟
رد خاص جدا إلى أماني ابرهيم:::
أحبك الذي احببتيني فيه و يعلم الله اني لي مثل أمنيتك
وفقك الله لما يحب ويرضى

فكرة حلوة يا رانيا

ان شاء الله هابتدي التنفيذ عما قريب اوي وانتو احلي منتدي عاصرته ويا اختي لو المنتيات التانيه نفذت احنا كمان هاننفذ وانا اثرت ايه
/ذلك الكتاب لا ريب فيه هدي للمتقين /صدق الله العظيم

شكرا يا lolododo
انت/ي أول حد اتفاعل حقيقي مع الموضوع وشارك فيه
جزاك الله كل خير
شكلك كده في أول المصحف يلا مستنية منك آيات جديدة اثرت فيك/ي
رمضان قرب ولازم كلنا نمسك المصحف ونقرب منه وياريت ألاقي حد يتفاعل
تاني

فكرة جميله جدا.
بسم الله الرحمن الرحيم
(وأما عاد فأهلكوا بريح صرصر شديدة عاتية سخرها عليهم سبع ليال وثمانية أيام حسوما فترى القوم فيها صرعى كأنهم أعجاز نخل خاوية ).
بتبينلنا مدي قدرة الله علي كل شئ
فقد كان يبلغ طول قوم عاد 50 مترا
فكانت تحملهم الرياح وتلقيهم ارضا كاعجاز النخل.