إلى طلبة وطالبات الثانوية العامة

الســـلام عليكم ورحمة الله وبركاتــه
كيف أحوالكم جميعا ... أرجو أن تكونوا بخير
إلى أصدقائي وصديقاتي الأعزاء جدا جدا :
فاضل يومين على بداية الأمتحانات شدوا حيلكم جميعا وربنا معاكم ، وإن شاء الله كل واحد يدخل الكلية اللي هو عايزها...
اليومين دول مش عايزين توتر ابتعدوا كل البعد عن مصادر القلق والإزعاج
والإحباط.
وياريت محدش يمسك أي حاجة تخص العربي من قريب أو من
بعيد يوم الجمعة كله أو على الأقل من بعد عصر الجمعة واستعينوا بالله
وأكثروا من قراءة القرآن ليس للبركة ولكن عشان تهدوا أعصابكم وترتاحوا
نفسيا ..
وننام بدري ليلة الأمتحان (يعني بعد العشاء مثلا) ونستيقظ عند الفجر نبدأ
يومنا بصلاة الفجر ونكثر من الاستغفار ، ونتناول وجبة خفيفة مع كوب
عصير طبيعي ونبعد عن الشاي والقهوة والنسكافيه والمشروبات الغازية
بكافة أنواعها ، وطلب الدعاء من الوالدين (هما بيدعوا لوحدهم) ومن الناس الصالحين (حاول تعمل أي خير وأنت رايح الأمتحان)
وفي طريقنا إلى الأمتحان نكثر من الاستغفار والذكر وتلاوة ما تحفظ من القرآن الكريم...إلى أن تدخل اللجنة.....
كانت هذه كلمات من القلب لأحبائي أعضاء منتدى تاج التفوق وانتظروا مني غدا إن شاء الله : الطريقة المثلى لأداء أي امتحان...
معي حبي وتقديري
والسلام عليكم ورحمة الله وبركاته

جزاك الله خيرا أختي في الله
وربنا يوفقك ويوفقنا جميعا
لكن للأسف أنا من الناس اللي لما بيكون عندهم إمتحان مش بيعرفوا يناموا خالص
علي العموم
ربنا مع الجميع لأن الله لا يضيع أجر من أحسن عملا
و من توكل علي الله فهو حسبه
وربنا يوفقنا لما يحبه ويرضاه
:::::::::::::::::::::::::

يا حبيبة قلبي يا أماني : ما أنتي لما تصحي من النوم بدري جدا(الفجر مثلا) يوم الجمعة
وماتشربيش أي منبهات من النهاردة ومع كثرة قراءة القرآن
هتيجي فعلا ليلة الإمتحان من الساعة9
وهتحسي إنك عايزة تنامي لوحدك من التعب وطول اليوم بصي أنا ماليش دعوة
أهم حاجة أن بعد الإمتحان مباشرة أي حد يدخل ويطمني عليكم جميعا ويقولي مستوى الامتحان كان أيه؟؟؟ماشي!!!!!!!

الحمد لله
إمتحان العربي كان كويس جداً جداً
والحمد لله ربنا مش ضيع تعب حد فينا

ربنا يستر بقي في باقي المواد

إن شاء الله هيستر يا جميل
بس أنتي يبقى طمنينا على باقي المواد إذا كنتي علمي أو أدبي
مــــــــاشــي؟؟