مراحل حب الانسان

كلام جميل بس انا ليا تعليق يتعارض شوية مع الكلام دة
فى شىء اسمو وهم الحب والحب والاعجاب
اعجاب زى الى بيكون من طفولتنا لحد الجامعة بيبقى اعجاب وفى ناس بتوهم نفسها انو حب
بس الحب الى بجد فى السن دة حب اصحابى واهلى
المرحلة الى بيداء فيها الانسان ييعقل ويبتعد عن الوهم بتكون مرحلة تنظيم وبيداء محلة حياتة ز ماقولت بالظبط
وميرسى جداااااا لموضوعك وانا استمعت بية
ثانكس

شكرا على التشجيع دا يا لينا بس تعليق ليا على الرد بتاع حضرتك
هو حب الوهم وحب الاعجاب فيه منه حب بينجح والاكثر منه بيكون فى حب الاعجاب وفيه حب اسمه حب المعاشره وحب المعاشره دا انا مريت بيه بس ما استفتش منه بحاجه

ميرسى ل رد حضرتك
بس للاسف كتير جدا من الناس بنسبة 98 فى المية بيكونو مش محددين نهاية الطريق دة اية
ثانيا اى انسان فى السن الصغنونى من 13 الى 20 بيكون نفسو يحب ويتحب عشان كدة حبة واعجابة بيفشل
اهم شىء ان احنا نحدد طريقنا ومانفكرش فى الحاجات دى فى الوقت دة عشان مش نظلم الناس الى معانا

كلامكم جميل والمضوع فعلا مهم
واستمتعت بآراء كلاكما
بس انا لقيت نفسي بميل لرأي لينا

طيب ممكن اخرج بيكم من الموضوع بتاعنا واسال سؤال

ليه كلمه خلينا اصحاب واخوات ومش عاوزه اخسرك كصديق كترت في حياتنا هل الحب اصبح خساره؟

الحب بمعناه الصحيح عمره ماكان خسارة بالعكس ده لازم يكون طاقة إيجابية تدفع للأمام

بس الناس اللي بتقول الكلام ده واغلبهم الشباب ( اقصد بنات وأولاد) من سن 15 إلى 21 او اكتر بتكون زهقوا من الأول أو الأولى وعايزين يغيروا أو شافوا حد أحسن وده لأن مودهم وطريقة تفكيرهم وحكمهم على الناس بيتغير مع السن في الفترة دي
و اللي انا مش عارفة افهمه لحد دلوقتي إزاي حد في سن 15أو16 أو17 حتى يتكلم في حب بس للأسف الحب اللي معروف دلوقتي مصدره الوحيد هو السينما وبالتالي فلا عجب

كلامك جميل ومقنع بس انا عايز اعرف الشخص الى انقلب عنه الشعور الاخوى او الصداقى الى شعور عاطفى يعمل ايه معنى الثانى لسه على ما هو عليه

هو انا مش فاهمة سؤالك قوي بس
اللي مشاعره اتغيرت ده لازم يعرف ان كل دي مشاعر مراهقه وتغيرات وتقلبات طبيعية مهما كان سنه
لأن الحد الأقصى لسن المراهقة قد يتعدى ال 25حسب شخصية كل انسان

وعشان كده مش لازم يستيلم لهواجس الشيطان : لأ انا بحبها بجد المرة دي
لأ اصل ده غير اللي فات

كله واحد تعددت المداخل الشيطانية والنتيجة والنهاية واحدة
عذاب وكآبة وهم يملأ القلب وعدم تركيز في مذاكرة أو شغل

ويوجه مشاعره لحاجة تكون فعلا تستاهل كل مشاعر الحب اللي بتكون هائجة جدا في الفترة دي
عشان يسعد بيها ومش بس يسعد لأ ويثاب عليها في الآخرة إن شاء الله

بس انا متاكد انه حبها بجد لانه بتبان كل حاجه بتبان فى اى واحد بيحب واحده من قلبه وبجد وبصدق مش حب مراهقه ولا حاجه زى ما حضرتك بتقول

بصراحة كده انا مش فاهمة حاجة يعني انت عايز تحل مشكلة مين بالظبط يعني أي الاطراف
اللي مشاعره اتغيرت ولا اللي لسه على حاله ؟؟؟؟

بس لو كان حد اتقاله الكلام ده وهو لسه قلبه على نفس الحال يبقى كفاية إهانة بقى

ويفكر ان فيه اللي بيحبه فعلا اكتر من والدته نفسها مش من واحدة قالتله إحنا اخوات

ويعرف ان الدنيا فيها حاجات كتييييير أهم من الحب و الرومانسية بين ولد وبنت ماتربطهمش ببعض علاقة رسمية

طيب ما هو بيحاول يعمل كده ويبعت بس المشكله انها قدامه كل يوم ومش قادر ينسىء

بص يا استاذي الفاضل انا شايفة انه الاول المفروض يكون عنده رغبة في انه ينساها ويبقى مقتنع تمام الاقتناع ان الوضع ده فيه إهانة ليه ومضيعة لوقته ودي أول وأهم خطوة ( العزيمة والاصرار ) ولو الخطوة دي ماتحققتش يبقى بيضيع وقته في طلب النصيحة وهو مش هيعمل بيها لأن أي كلام بعد كده مش هينفع

بعد كده يجي دور القلب يعني لازم ينقي قلبه( سوري في اللفظ ) يعني لو هي قدامه على طول زي ما بتقول يبعد هو عن المكان ده
لو بيدرس يذاكر اكتر ويشغل نفسك اكتر
ولو بيشتغل شغلة واحدة يشوف شغلة تانية يشوف ناس جديدة يتعرف على ناس جديدة ( ماقصدش بنات طبعا ) ياخد كورسات دورات يقرأ يتعلم صنعة جديدة المهم يشغل وقته بالمفيد

والاهم من ده كله ان لازم قلبه يلاقي البديل

والله ثم والله ثم والله مفيش بديل يعوض على القلب مصائبه ويهون عليه متاعبه زي القرآن ودي بشهادة ربنا
" يَا أَيُّهَا النَّاسُ قَدْ جَاءَتْكُمْ مَوْعِظَةٌ مِنْ رَبِّكُمْ وَشِفَاءٌ لِمَا فِي الصُّدُورِ وَهُدًى وَرَحْمَةٌ لِلْمُؤْمِنِينَ "
انت متخيل لما ربنا يقولك علاجك في كتابي

يعني مش هنصدق ربنا ونصدق اللي يقولنا اعمل ده وماتعملش ده

وبالذات لو آمنا وتيقنا بأن الشفاء فيه امسك المصحف وكلمه وقوله انت اللي هتريحني بأمر الله

استعن بالله وادعي لأن الدعاء في الحالة دي بيكون لي مفعول السحر بس أهم حاجة يكون بصدق نية انك عايز تنسى

واسأل حد مجرب الموضوع ده لو مش في محيطك دور عليهم في المساجد في صلاة الجماعة

وربنا يصلح أحوالنا جميعا

بجد حضرتك كلامك صح جدا ومفيد (على فكره انا الشخص الى بنتكلم عنه ) وانا شايف كلامك انه صح وانا بعمل بالكلام دا فى الوقت الحالى انا عارف انى هتعب شويه بس قدام هرتاح انا اولا بحاول اشوف مكان غير المكان الى بشوفها فيه دا كل يوم وربنا يوفق ويقدرنى

ياريت تسمع الحلقات دي فيديو وإن شاء الله ربنا يشرح صدرك


الشباب والحب



حب الله